Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഅമിത്​ ഷാക്ക്​ നേരെ...

അമിത്​ ഷാക്ക്​ നേരെ ചെന്നൈയിൽ പ്ലക്കാർഡ് എറിഞ്ഞു; വയോധികൻ അറസ്​റ്റിൽ

text_fields
bookmark_border
amit shah chennai placard
cancel
camera_alt

തമിഴ്​നാട്​ സന്ദർശനത്തിനെത്തിയ കേന്ദ്ര ആഭ്യന്തര മന്ത്രി അമിത്​ ഷാ​ ചെന്നൈ വിമാനത്താവളത്തിന് പുറത്തുള്ള ജി.എസ്.ടി റോഡിലൂടെ പ്രവർത്തകരെ അഭിവാദ്യം ചെയ്​ത്​ നടക്കുന്നു. ഇതിനിടെയാണ്​ റോഡരികിൽനിന്ന്​ ദുരൈരാജ്​ പ്ലക്കാർഡ്​ എറിഞ്ഞത്​

ചെന്നൈ: തമിഴ്​നാട്​ സന്ദർശനത്തിനെത്തിയ കേന്ദ്ര ആഭ്യന്തര മന്ത്രി അമിത്​ ഷാക്ക്​ നേരെ പ്ലക്കാർഡ്​ എറിഞ്ഞയാൾ പിടിയിൽ. വാഹനവ്യൂഹത്തിൽ നിന്നിറങ്ങി ജി.എസ്​.ടി റോഡിലൂടെ നടക്കു​േമ്പാഴാണ്​ 'ഗോ ബാക്ക് അമിത് ഷാ' എന്നെഴുതിയ പ്ലക്കാർഡ് എറിഞ്ഞത്​. ചെന്നൈ സ്വദേശി ദുരൈരാജാ(67)ണ് പ്രതിഷേധക്കാരനെന്ന് പോലീസ് പറഞ്ഞു. ഇയാളെ പൊലീസ് കസ്റ്റഡിയിലെടുത്തു.

ശനിയാഴ്ച ഉച്ചയോടെയാണ്​ രണ്ട് ദിവസത്തെ സന്ദർശനത്തിന്​ അമിത് ഷാ ചെന്നൈയിലെത്തിയത്​. വിമാനത്താവളത്തിന് പുറത്തുള്ള തിരക്കേറിയ ജി.എസ്.ടി റോഡിൽ പ്രോട്ടോക്കോൾ ലംഘിച്ച് അനുയായികളെ അഭിവാദ്യം ചെയ്യാനായി നടക്കവേയാണ്​ അപ്രതീക്ഷിത പ്രതിഷേധം നേരിട്ടത്​. നടപ്പാതയ്ക്ക് സമീപം തടിച്ചുകൂടിയവർക്കിടയിൽനിന്നാണ്​ ബാരിക്കേഡുകൾക്ക് മുകളിലൂടെ ദുരൈരാജ്​ പ്ലക്കാർഡ് എറിഞ്ഞത്​. അംഗരക്ഷകർ തടഞ്ഞതിനാൽ അമിത്​ഷായുടെ ദേഹത്ത്​ തട്ടിയില്ല.

2021ൽ തമിഴ്‌നാട്ടിൽ നടക്കാനിരിക്കുന്ന തെരഞ്ഞെടുപ്പിനോടനുബന്ധിച്ച ചർച്ചകളുടെ ഭാഗമായാണ്​​ അമിത്​ ഷായുടെ സന്ദർശനം. പാർട്ടി യോഗങ്ങൾക്ക്​ പുറമെ സർക്കാർ പരിപാടികളിലും അദ്ദേഹം പ​ങ്കെടുക്കുന്നുണ്ട്​. എ.ഐ.എ.ഡി.എം.കെ നേതാക്കളായ എം.ജി.ആർ, ജയലളിത എന്നിവരുടെ ശവകുടീരത്തിൽ​​ പുഷ്​പാഞ്​ജലി അർപ്പിച്ചാണ്​ അദ്ദേഹം പര്യടനം തുടങ്ങുക. തുടർന്ന് ചെന്നൈ മെട്രോ റെയിൽ പദ്ധതിയുടെ മൂന്നാം ഘട്ടത്തി​െൻറ ശിലാസ്​ഥാപനം നിർവഹിക്കും. അതിനുശേഷം ബി.ജെ.പി സംസ്​ഥാന ഭാരവാഹികളുമായും ജില്ല പ്രസിഡൻറുമാരുമായും കൂടിക്കാഴ്​ച നടത്തും.

അതേസമയം, വെള്ളിയാഴ്​ച മുതൽ​ തന്നെ 'ഗോബാക്ക്​ അമിത്​ഷാ' ഹാഷ്​ടാഗുകൾ ട്വിറ്ററിൽ ട്രെൻഡിങ്ങായി മാറിയിരുന്നു​. നാല്​ ലക്ഷത്തിന്​ മുകളിൽ ട്വീറ്റുകളാണ്​ ഈ ഹാഷ്​ടാഗിൽ വന്നിട്ടുള്ളത്​. മുമ്പും അമിത്​ ഷായടക്കമുള്ള ബി.ജെ.പി നേതാക്കാൾ തമിഴ്​നാട്​ സന്ദർശിക്കു​േമ്പാൾ ഇത്തരത്തിൽ പ്രതികരണമ​ുയർന്നിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chennaiamit shah
News Summary - man throw placard on amit shah chennai
Next Story