ജ്യേഷ്ഠനെ മർദിച്ച് സ്കൂട്ടറിൽ കെട്ടിവലിച്ച അനിയൻ അറസ്റ്റിൽ

ജയ്പൂർ: ജ്യേഷ്ഠനെ മർദിക്കുകയും സ്കൂട്ടറിൽ കെട്ടിവലിക്കുകയും ചെയ്തതിന് അനിയൻ അറസ്റ്റിൽ. രാജസ്ഥാനിലെ നഗൗർ ജില്ലയിലെ തൗസർ ഗ്രാമത്തിലാണ് സംഭവം.

സംഭവത്തിൽ ഹൻസരാജ് മേഘ്വാൾ എന്നയാളാണ് അറസ്റ്റിലായി. ഇയാളുടെ മൂത്ത സഹോദരൻ മനോഹർ മേഘ്വാളിനെയാണ് ഹൻസരാജ് സ്കൂട്ടറിൽ കെട്ടിവലിച്ചത്.

പ്രതി സ്ഥിരമായി മദ്യപിക്കുന്ന ആളാണെന്നും മൂത്ത സഹോദരനുമായി വഴക്കിടാറുണ്ടെന്നും പ്രാഥമിക അന്വേഷണത്തിൽ കണ്ടെത്തി. സംഭവത്തിന്‍റെ വീഡിയോ സോഷ്യൽ മീഡിയയിൽ പ്രചരിച്ചതോടെ പൊലീസ് സ്വമേധയാ കേസെടുക്കുകയായിരുന്നു.