യു​.പിയിൽ പോത്തിനെ അറു​ത്തുവെന്നാരോപിച്ച്​ യുവാവിന്​ ക്രൂര മർദനം video

ലഖ്​നൊ: ഉത്തർ പ്രദേശിൽ പോത്തിനെ അറു​ത്തുവെന്നാരോപിച്ച്​ യുവാവിനെ ആൾക്കൂട്ടം മർദിക്കുന്ന വിഡിയോ പുറത്ത്​. അലിഗഢിലെ അച്ചല്‍ താല്‍ പ്രദേശത്ത് യുവാവ്​ പോത്തിനെ കശാപ്പ്​ ചെയ്യുന്നതായി പ്രദേശവാസികൾ അറിയിച്ചതിനെ തുടർന്നെത്തിയ ആൾക്കൂട്ടമാണ്​ യുവാവിനെ വലിച്ചിഴക്കുകയും മർദിക്കുകയും ചെയ്​തത്​. വിവരം അറിഞ്ഞെത്തിയ പൊലീസ്​ ആളുകളിൽ നിന്ന്​ യുവാവിനെ രക്ഷ​പ്പെടുത്തുകയും കസ്​റ്റഡിയിലെടുക്കുകയും​ ചെയ്​തു. 

#WATCH: Man thrashed by locals for allegedly slaughtering a buffalo in Achal Tal area of Aligarh (UP), 5 arrested, investigation on. pic.twitter.com/ENmX7Bd91l

— ANI UP (@ANINewsUP) May 12, 2017

യുവാവിനെ മർദിച്ച അഞ്ച് പേരെ അറസ്റ്റ് ചെയ്തതായും പൊലീസ് അറിയിച്ചിട്ടുണ്ട്​. സംഭവത്തില്‍ വിശദമായ അന്വേഷണം പുരോഗമിക്കുകയാണ്. ഉത്തർപ്രദേശിൽ യോഗി ആദിത്യ നാഥ്​ മുഖ്യമന്ത്രിയായി അധികാരമേറ്റ ശേഷം നിരവധി ബീഫ്​ വിൽപന കേന്ദ്രങ്ങൾ  അടച്ചുപൂട്ടുകയൂം ഗോരക്ഷ പ്രവർത്തകരുടെ അതിക്രമങ്ങൾ വർധിക്കുകയൂം ​ചെയ്​തിട്ടുണ്ട്​. 2015ൽ യുപിയിലെ ദാദ്രിയിൽ പശുവിനെ അറു​​ത്തുവെന്നാരോപിച്ച്​ 60കാരനായ അഖ്​ലാഖിനെ ആൾക്കൂട്ടം അടിച്ച്​ കൊന്നിരുന്നു.