കുഞ്ഞ്​ ത​െൻറതല്ലെന്ന്​ സംശയം; രണ്ടു വയസുകാരിയെ പിതാവ് മർദിച്ച്​ കൊന്നു

ചണ്ഡീഗഡ്​: കുഞ്ഞ്​ ത​​െൻറതല്ലെന്ന സംശയത്തെ തുടർന്ന് പിതാവ്​ രണ്ടു വയസുകാരിയെ മർദിച്ച്​ ​െകാന്നു. ചണ്ഡീഗഡിലെ ദേലോണ്‍ മേഖലയിലാണ് സംഭവം. മയക്കുമരുന്നിന് അടിമയായ സിക്കന്ദര്‍ സിങ്ങാണ്​ കൊലപാതകി. ഭാര്യക്ക്​ മറ്റൊരു ബന്ധത്തിലുണ്ടായതാണെന്ന സംശയത്തെ തുടര്‍ന്നാണ്​ കുഞ്ഞി​െന കൊലപ്പെടുത്തിയതെന്ന്​ സിക്കന്ദർ പൊലീസിനോട്​ കുറ്റ സമ്മതം നടത്തി. 

കുഞ്ഞ്​ ജനിച്ചതിനു പിറകെ ഇയാൾ ഭാര്യ​ ജസ്ബിര്‍ കൗറിനെ ഉപേക്ഷിച്ചിരുന്നു. തുടര്‍ന്ന് ജസ്ബിര്‍ അവളുടെ മാതാപിതാക്കള്‍ക്കൊപ്പമായിരുന്നു താമസിച്ചിരുന്നത്. ജസ്ബിറുമായി പിരിഞ്ഞതിന് ശേഷം അവരുടെ സഹോദരി ജസ്‌വീന്ദറിനും രണ്ട് മക്കള്‍ക്കും ഒപ്പമായിരുന്നു സിക്കന്ദര്‍ താമസിച്ചിരുന്നത്. ഇവര്‍ ഭര്‍ത്താവുമായി അകന്ന്​ കഴിയുകയായിരുന്നു. ഇവര്‍ക്കൊപ്പമായിരുന്നു രണ്ടുവയസ്സുകാരിയായ കുഞ്ഞും കഴിഞ്ഞിരുന്നത്​.  

വെള്ളിയാഴ്ച രാത്രി ജസ്‌വീന്ദര്‍ വീട്ടില്‍ ഉണ്ടായിരുന്നില്ല. തുടര്‍ന്ന് അവരുടെ രണ്ട് മക്കളെയും സിനിമക്ക്​ അയച്ച ശേഷം കുഞ്ഞിനെ മര്‍ദ്ദിക്കുകയും കഴുത്തുഞെരിച്ച് കൊലപ്പെടുത്തുകയുമായിരുന്നു. അതിനു ശേഷം സിക്കന്ദർ ഒളിവിൽ പോയി. 

സിനിമ കഴിഞ്ഞെത്തിയ കുട്ടികള്‍ കുഞ്ഞ് മരിച്ച് കിടക്കുന്നതാണ് കണ്ടത്. ഇവരു​െട നിലവിളി കേട്ട്​ എത്തിയ അയൽവാസികളാണ്​ പൊലീസിനെ വിവരമറിയിച്ചത്​. തുടർന്ന്​ ​െപാലീസ്​ സിക്കന്ദറി​െന പിടികൂടുകയായിരുന്നു.