ഹൈദരാബാദിൽ 20 കിലോ സവാള മോഷ്​ടിച്ചു

ഹൈദരാബാദ്​ (തെലങ്കാന): വില ഉയർന്നുതന്നെ നിൽക്കുന്ന സാഹചര്യത്തിൽ രാജ്യത്തിൻെറ വിവിധ ഭാഗങ്ങളിൽ സവാള മോഷണം പതിവാകുന്നു. ഹൈദരാബാദിൽ അജ്​ഞാതൻ പച്ചക്കറിക്കടയിൽ നിന്ന്​ 20 കിലോ സവാള മോഷ്​ടിക്കുന്നതിൻെറ സിസിടിവി ദൃശ്യം സോഷ്യൽ മീഡിയയിൽ വൈറലായി.

ഈമാസം 13ന്​ രാത്രിയാണ്​ സംഭവം. പച്ചക്കറിക്കടയിൽ സൂക്ഷിച്ചിരുന്ന ചാക്കിൽ നിന്ന്​ ഒരാൾ സവാള മോഷ്​ടിച്ചുകൊണ്ടുപോകുന്നതാണ്​ സിസിടിവി കാമറയിൽ പതിഞ്ഞിരിക്കുന്നത്​. കടയുടമയായ സ്​ത്രീയുടെ പരാതിയെ തുടർന്ന്​ ചിക്കഡ്​പളി പോലീസ്​ കേസെടുത്ത്​ അന്വേഷണം ആരംഭിച്ചു.