Begin typing your search above and press return to search.
proflie-avatar
Login
exit_to_app
exit_to_app
Man Slapped Knocked Out In Haryana Colony Being Razed
cancel
Homechevron_rightNewschevron_rightIndiachevron_rightവീട്​...

വീട്​ പൊളിച്ചുമാറ്റുന്നതിനെതിരെ പ്രതിഷേധിച്ച യുവാവിനെ ക്രൂരമായി മർദിച്ച്​ അവശനാക്കി; വിഡിയോ പുറത്ത്​

text_fields
bookmark_border

ഗുരുഗ്രാം: ഹരിയാനയിൽ വീട്​ പൊളിച്ചുമാറ്റുന്നതിൽ പ്രതിഷേധിച്ച യുവാവിനെ ക്രൂരമായി മർദിച്ച്​ അവശനാക്കുന്ന വിഡിയോ പുറത്ത്​. യുവാവിനെ തല്ലുകയും ചവിട്ടുകയും ചെയ്​തശേഷം മതിലിൽ തലയിടിപ്പിക്കുകയായിരുന്നു. ഇതോടെ യുവാവ്​ ബോധരഹിതനായി വീഴുന്നതു​ം വിഡിയോയിൽ കാണാം. തുടർന്ന്​ മൂന്നുപേർ ചേർന്ന്​ ബോധരഹിതനായ യുവാവിനെ വലിച്ചിഴച്ച്​ കൊണ്ടുപോകുന്നതും വിഡിയോയിലുണ്ട്​.

പുനരധിവസിപ്പിക്കാതെ കെട്ടിടം പൊളിച്ചുമാറ്റുന്നതിൽ പ്രതിഷേധിച്ചയാളെയാണ്​ ക്രൂരമായി മർദിക്കുന്നതെന്ന്​ പ്രദേശവാസികൾ പറയുന്നു. ഇയാളെ ആക്രമിച്ചവർ തടസമില്ലാതെ കെട്ടിടം പൊളിച്ചു നീക്കുന്നതിനായി നിയോഗിച്ച പൊലീസുകാരാണെന്നും പറയുന്നു. സംഭവത്തിൽ പൊലീസ്​ ഇതുവരെ പ്രതികരിച്ചിട്ടില്ല.

ഫരീദാബാദ്​ ജില്ലയിലെ ആരവല്ലി മേഖലയിലെ ഖോരി ഗ്രാമത്തിൽ കൈയേറി നിർമിച്ചതെന്ന്​ ആരോപിച്ച്​ വീടുകൾ പൊളിച്ചുമാറ്റുന്ന നടപടികൾ പുരോഗമിക്കുകയാണ്​. 40,000ത്തോളം പേരാണ്​​ ഇവിടെ താമസിക്കുന്നത്​. ഗ്രാമവാസികളെ പുനരധിവസിപ്പിക്കുന്നത്​ സംബന്ധിച്ച്​ ചർച്ച നടത്തുകയാണെന്ന്​ ഹരിയാന മുഖ്യമന്ത്രി മനോഹർ ലാൽ ഖട്ടർ പറയുന്നു. എന്നാൽ ഹരിയാന സ്വദേശികൾക്ക്​ മാത്രമേ പുനരധി​വാസ സൗകര്യമൊരുക്കുവെന്നാണ്​ മുഖ്യമന്ത്രിയുടെ വാദം.

വീട്​ നഷ്​ടപ്പെടുമെന്ന ഭയത്തെ തുടർന്ന്​ കഴിഞ്ഞമാസം പ്രദേശവാസികൾ പ്രതിഷേധിച്ചതോടെ പൊലീസുകാരുമായി ഏറ്റുമുട്ടൽ നടന്നിരുന്നു. പൊലീസിനെ ​പ്രദേശവാസികൾ കല്ലെറിയുകയും പൊലീസ്​ ​ ഇവരെ അടിച്ചോടിക്കുകയും ചെയ്​തിരുന്നു.

പ്രദേശത്തെ 10,000ത്തോളം വീടുകളാണ്​ പൊളിച്ചുനീക്കുക. വീട്​ പൊളിക്കലിന്​ സ്​റ്റേ വേണമെന്ന ആവശ്യം സുപ്രീംകോടതി നിരസിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:HaryanaMurder attemptCrime News
News Summary - Man Slapped Knocked Out In Haryana Colony Being Razed
Next Story