നായയെ കല്ലെറിഞ്ഞതിന്​ യുവാവിനെ വെടിവെച്ചു​െകാന്നു

ന്യൂഡൽഹി: വളർത്തുനായയെ കല്ലെറിഞ്ഞ യുവാവിനെ ഉടമ വെടിവെച്ചു കൊന്ന​​ു. മുപ്പതുകാരനായ അഫഖ് എന്ന യുവാവാണ് കൊല്ല പ്പെട്ടത്. വടക്കുകിഴക്കന്‍ ഡൽഹിയിലെ വെല്‍ക്കം കോളനിയിൽ ഞായറാഴ്​ചയാണ്​ സംഭവം നടന്നത്​.

വെല്‍ക്കം കോളനി വ ഴി നടന്നുപോകുകയായിരുന്ന അഫഖിനെ കണ്ടതും വളർത്ത​ുനായ കുരക്കാന്‍ തുടങ്ങി. നായ തന്നെ ആക്രമിക്കാൻ വരുന്നതു കണ്ട അഫഖ് കല്ലുകൾ പെറുക്കി നായയെ എറിഞ്ഞോടിച്ചു. എന്നാൽ സംഭവം കണ്ടുകൊണ്ട് നിന്ന നായയുടെ ഉടമ മെഹ്​താബ്​ വീടിനകത്തേക്ക്​ പോയി തോക്കുമായി വരികയും അഫഖിനുനേരെ വെടിയുതിര്‍ക്കുകയുമായിരുന്നു. അഫഖിനെ സമീപ​ത്തുള്ള ആശുപത്രിയിൽ പ്രവേശിപ്പി​ച്ചെങ്കിലും മരിച്ചു.

വെടിയുതിര്‍ക്കുന്നതിന് മുന്നേടിയായി ഇരുവരും തമ്മില്‍ വാക്കുത്തർക്കത്തിൽ ഏര്‍പ്പെട്ടിരുന്നുവെന്നും കൃത്യം നടത്തിയ ശേഷം ഉടമ ഒളിവിൽ പോയതായും പൊലീസ് ഓഫീസര്‍ അതുല്‍ താക്കൂര്‍ പറഞ്ഞു. ഒളിവിൽ പോയ ഉടമക്ക് വേണ്ടിയുള്ള തെരച്ചിൽ ഊർജിതപ്പെടുത്തിയതായി പൊലീസ് അറിയിച്ചു.