മാതാവിന്​ കുവൈറ്റിൽ തൊഴിൽ പീഡനം​; സുഷമ സ്വരാജിനോട്​ സഹായം​ തേടി മകൻ

ഹൈദരാബാദ്​: കുവൈറ്റിൽ ബ്യുട്ടീഷ്യൻ ജോലിക്കെന്ന വ്യാജേന കയറ്റി വിട്ട്​ ത​​െൻറ മാതാവിനെ വീട്ടുവേലക്കാരിയാക ്കി പീഡിപ്പിക്കുന്നതായി ആരോപിച്ച്​ മകൻ രംഗത്ത്​. മാതാവിനെ രക്ഷപ്പെടുത്താൻ വിദേശ കാര്യമന്ത്രിയുടെ സഹായത്തി നായി കൈ നീട്ടുകയാണ് തെലങ്കാന സ്വദേശിയായ​ മുഹമ്മദ്​ സർദാർ.

ത​​െൻറ മാതാവ്​ മെഹ്​രാജ്​ ബീഗം ബ്യൂട്ടീഷ്യൻ ജോ ലിക്കായാണ്​ മുഹമ്മദ്​ അലീം എന്ന ഏജൻറി​​െൻറ വാക്ക്​ വിശ്വസിച്ച്​ കുവൈറ്റിലേക്ക്​ പോയത്​. 40000 രൂപ ശമ്പളവും മികച്ച താമസവും ഭക്ഷണവും ഉണ്ടാകുമെന്നാണ്​ ഏജൻറ്​ പറഞ്ഞത്​. ഇതേ തുടർന്നാണ്​ കഴിഞ്ഞ വർഷം സെപ്​തംബർ 24ന്​ മാതാവ്​ കുവൈറ്റിലേക്ക്​ തിരിച്ചത്​. എന്നാൽ കുവൈറ്റിലെത്തിയ മെഹ്​രാജ്​ ബീഗത്തിന്​ വീട്ടുജോലിക്കാരിയായാണ്​ ജോലി ലഭിച്ചത്​. വാഗ്​ദാനം ചെയ്​ത ശമ്പളമോ ഭക്ഷണമോ നൽകിയില്ല. തൊഴിൽ ദാതാവ്​ നാലും അഞ്ചും വീടുകളിൽ ഇവരെക്കൊണ്ട്​ തൊഴിലെടുപ്പിക്കുമെന്നും മകൻ മുഹമ്മദ്​ സർദാർ ആരോപിച്ചു. ദേശീയ വാർത്താ ഏജൻസിയായ എ.എൻ.​െഎയോടാണ്​​ മുഹമ്മദ്​ സർദാർ ഇക്കാര്യങ്ങൾ വെളിപ്പെടുത്തിയത്​.

കടുത്ത ശരീര വേദന കാരണം അബോധാവസ്​ഥയിലായപ്പോഴും മാതാവിന്​ ആവശ്യമായ ചികിത്സ നൽകാതെ ഒരു ഗുളിക കഴിക്കാൻ നൽകിയ ശേഷം വീണ്ടും ജോലി ചെയ്യാൻ നിർബന്ധിക്കുകയായിരുന്നു. മാതാവ്​ തുടർച്ചയായി പീഡിപ്പിക്കപ്പെടുകയാണ്​. പാസ്പോർട്ട്​ പോലും തൊഴിൽ ദാതാവ്​ പിടിച്ചുവെച്ചിരിക്കുകയാണ്​. മെഹ്​രാജ്​ ബീഗത്തെ ഇന്ത്യയി​േലക്ക്​ മടക്കി അയക്കണമെങ്കിൽ രണ്ട്​ ലക്ഷം രൂപ നൽകണമെന്നാണ്​ തൊഴിൽ ദാതാവ്​ ആവശ്യപ്പെടുന്നതെന്നും മകൻ പറയുന്നു.

മാതാവിനെ കുവൈറ്റിലേക്ക്​ അയച്ച ഏജൻറിനെതിരെ മുഹമ്മദ്​ സർദാർ പൊലീസിൽ പരാതി നൽകിയിട്ടുണ്ട്​. രണ്ട്​ ദിവസം മുമ്പ്​ മാതാവ്​ കുവൈറ്റിലെ ഇന്ത്യൻ എംബസിയിലെത്തി പരാതി പറഞ്ഞിരുന്നു. ത​​െൻറ മാതാവിനെ രക്ഷപ്പെടുത്തി വീട്ടിലെത്തിച്ചു തരണമെന്ന്​ വിദേശകാര്യമന്ത്രി സുഷമ സ്വരാജിനോട്​ അപേക്ഷിക്കുകയാണെന്നും മകൻ ​മുഹമ്മദ്​ സർദാർ പറഞ്ഞു.