മസാജ് ചെയ്യാൻ ഹോട്ടലിൽ എത്തിയ വിദേശി വനിതയെ മലയാളി ബലാത്സംഗം ചെയ്തു

ജയ്പുർ: മസാജ് ചെയ്യാൻ ഹോട്ടലിൽ എത്തിയയാൾ വിദേശി വനിതയെ ബലാത്സംഗം ചെയ്തതായി പരാതി. പ്രതിയെ പൊലീസ് അറസ്റ്റ് ചെയ്തു. നെതർലൻഡ്സുകാരിയായ യുവതിയാണ് പരാതിക്കാരി. രാജസ്ഥാനിൽ ജയ്പപുരിലുള്ള ഹോട്ടലിൽ വെച്ചായിരുന്നു സംഭവം.

രാജസ്ഥാൻ സന്ദർശിക്കാനെത്തിയതായിരുന്നു യുവതി. ആയുർവേദ മസാജിനായി ഹോട്ടലിലെത്തിയ ആളാണ് ബലാത്സംഗം ചെയ്തത്. മലയാളിയായ പ്രതി കേരളത്തിലേക്ക് കടക്കാൻ ശ്രമിക്കുമ്പോഴാണ് പൊലീസിന്‍റെ പിടിയിലായത്.

ജയ്പുരിൽ മസാജ് സ്ഥാപനം നടത്തിവരികയാണ് ഇയാൾ. പൊലീസ് ഇയാളെ ചോദ്യം ചെയ്തുവരികയാണ്.