ഭൂമിതർക്കം; ഒരു കുടുംബത്തിലെ മൂന്നുപേരെ ട്രാക്​ടർ ഇടിച്ച്​ കൊലപ്പെടുത്തി

ന്യൂഡൽഹി: മധ്യപ്രദേശിൽ ഒരു കുടുംബത്തിലെ മൂന്നു​േപരെ ട്രാക്​ടർ ഇടിച്ച്​ കൊലപ്പെടുത്തി. ഹോഷങ്കാബാദിലെ സിയോണി മാൽവ തെഹ്​സിലിലാണ്​​ സംഭവം.

ട്രാക്​ടറിലെത്തിയ പ്രതി മൂന്നുപേരെയും ഇടിച്ച്​ കൊലപ്പെടുത്തുകയായിരുന്നു. മൂന്നുപേരും സംഭവസ്​ഥലത്തുതന്നെ വെച്ച്​ മരിച്ചു. 35 കാരനായ രാജേന്ദ്ര യദുവംശി, 32 വയസായ കുൻവർ യദുവംശി, 11 വയസായ കുട്ടി എന്നിവരാണ്​ മരിച്ചത്​. ഇവരും പ്രതിയും തമ്മിലുള്ള ഭൂമിതർക്കമാണ്​ കൊലപാതകത്തിന്​ കാരണം.

കൊലപാതകത്തിന്​ ശേഷം പ്രതി ട്രാക്​ടറുമായി പൊലീസ്​ സ്​റ്റേഷനിലെത്തി കീഴടങ്ങുകയായിരുന്നു. ഇയാൾക്കെതിരെ കൊലപാതകത്തിന്​ കേസെടുത്തു. ​പ്രദേശത്ത്​ സംഘർഷ സാധ്യത നിലനിൽക്കുന്നതിനാൽ പൊലീസുകാർ ഗ്രാമത്തിൽ തമ്പടിച്ചിട്ടുണ്ട്​.