യുവതിയെയും ആൺ സുഹൃത്തിനെയും കൊലപ്പെടുത്തിയതിന് പിന്നാലെ യുവാവ് ജീവനൊടുക്കി

ഭോപാൽ: മധ്യപ്രദേശിലെ ഇൻഡോറിൽ യുവതിയെയും ആൺ സുഹൃത്തിനെയും വെടിവെച്ചുകൊലപ്പെടുത്തിയ യുവാവ് ജീവനൊടുക്കി. അഭിഷേക് യാദവ് (26) എന്നയാൾ നാടൻ പിസ്റ്റൾ ഉപയോഗിച്ചാണ് സ്‌നേഹലത ജാട്ട് (22), സുഹൃത്ത് ദീപക് ജാട്ട് (25) എന്നിവരെ കൊലപ്പെടുത്തിയത്. ഇതേ പിസ്റ്റൾ ഉപയോ​ഗിച്ച് ഇയാൾ സ്വയം വെടിവെക്കുകയായിരുന്നുവെന്നും പൊലീസ് പറഞ്ഞു.

ത്രികോണപ്രണയമാകാം കൊലപാതകത്തിന് പിന്നിലെന്നാണ് പൊലീസിന്റെ പ്രഥമിക നി​ഗമനം. സംഭവത്തിൽ അന്വേഷണം പുരോ​ഗമിക്കുകയാണ്. മൂവരും തമ്മിൽ അരമണിക്കൂറോളം സംസാരം നടന്നിരുന്നുവെന്നും ഇതിന് പിന്നാലെയായിരുന്നു കൊലപാതകവും ആത്മഹത്യയും നടന്നതെന്നും ദൃക്സാക്ഷികൾ പറഞ്ഞു.