Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ സഹോദരിയെയും...

യു.പിയിൽ സഹോദരിയെയും കാമുകനെയും കൊലപ്പെടുത്തി, പിന്നീട്​ സാക്ഷിയായ സഹോദരനെയും

text_fields
bookmark_border
യു.പിയിൽ സഹോദരിയെയും കാമുകനെയും കൊലപ്പെടുത്തി, പിന്നീട്​ സാക്ഷിയായ സഹോദരനെയും
cancel

നോയിഡ: ഒളിച്ചോടിയ സഹോദരിയെയും കാമുകനെയും കൊലപ്പെടുത്തി. സംഭവം പുറത്തറിയുമെന്ന ഭയത്തിൽ കൊലപാതക ദൃശ്യം നേരിൽകണ്ട സഹോദരനെയും കൊലപ്പെടുത്തി. ഉത്തർപ്രദേശിലെ സംഭാൽ ജില്ലയിലാണ്​ സംഭവം. 

വിവാഹം കഴിക്കുന്നതിനായി പ്രതിയായ വിനീതിൻെറ സഹോദരിയും ബന്ധുവായ യുവാവും ചേർന്ന്​ ഒളിച്ചോടിയിരുന്നു. പിന്നീട്​ ഇരുവരെയും വയലിന്​ സമീപത്തുവെച്ച്​ വിനീതും മൂന്നു സുഹൃത്തുക്കളും ചേർന്ന്​ പിടികൂടി കൊലപ്പെടുത്തി. ആത്മഹത്യ എന്നു വരുത്തിതീർക്കാനായി പ്രദേശത്തെ മരക്കൊമ്പിൽ മൃതദേഹങ്ങൾ കെട്ടിത്തൂക്കുയായിരുന്നു. സഹോദരി സുഖിയയും ബന്ധുവായ ബണ്ടിയുമാണ്​ കൊല്ലപ്പെട്ടത്​. ജൂ​ലൈ ഒന്നിനാണ്​ ഇരുവ​രുടെയും മൃതദേഹം കണ്ടെത്തുന്നത്​. പ്രഥമദൃഷ്​ട്യാ ആത്മഹത്യയാണെന്ന്​ പൊലീസ്​ പറയുകയും ചെയ്​തിരുന്നു. 

എന്നാൽ ദിവസങ്ങൾക്ക്​ ശേഷം അതേ മരക്കൊമ്പിൽ വിനീതിൻെറ സഹോദരനായ കുൽദീപിൻെറ മൃതദേഹവും തൂങ്ങിയ നിലയിൽ കണ്ടെത്തുകയായിരുന്നു. സംഭവത്തിൽ സംശയം തോന്നിയ പൊലീസ്​ വിനീതിനെയും സുഹൃത്തുക്ക​ളെയും ചോദ്യം ചെയ്​തതോടെയാണ്​ കൊലപാതക പരമ്പര പുറത്തറിയുന്നത്​. കുടുംബത്തിൻെറ അഭിമാനം സംരക്ഷിക്കുന്നതിനായാണ്​ ബണ്ടിയെയും സുഖിയയെയും കൊലപ്പെടുത്തിയതെന്ന്​ വിനീത്​ പൊലീസിന്​ മൊഴിനൽകി. കൊലപാതകം നേരിൽ കാണാനിടയായതിനാൽ വിവരം പുറത്തുപറയുമെന്ന്​ ഭയന്നതിനാലാണ്​ കുൽദീപിനെ കൊലപ്പെടുത്തിയതെന്നും വിനീത്​ സമ്മതിച്ചു. 

കൊലപാതകത്തിന്​ സഹായിച്ചവർക്ക്​ രണ്ടരലക്ഷം രൂപ പ്രതിഫലമായി കൈമാറിയതായും പൊലീസ്​ കണ്ടെത്തി. വിനീതിനെ പൊലീസ്​ അറസ്​റ്റ്​ ചെയ്​തു. 


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:crime newshonour killingUttar Pradesh
News Summary - UP man kills sister, then kills brother who witnessed crime -India news
Next Story