ഹരിയാനയിൽ യുവാവ്​ കാമുകിയെയും മക്കളെയും തലവെട്ടി കുഴിച്ചുമൂടി

ചണ്ഡിഗഢ്​: ഹരിയാനയിലെ ഭിവാനി ജില്ലയിൽ കാമുകിയെയും രണ്ട്​ പെൺമക്കളെയും കൊന്ന്​ തലവേർപ്പെടുത്തി കുഴിച്ചിട ്ടയാൾ അറസ്​റ്റിൽ. ഖാരക്​ ഗ്രാമത്തിലെ രാജേഷ്​ എന്നയാളാണ്​ പിടിയിലായത്​. അസം സ്വദേശിയായ മുപ്പതുകാരിയേയും ഇവരു ടെ 12 വയസും മൂന്നുവയസും പ്രായമുള്ള പെൺകുഞ്ഞുങ്ങളെയുമാണ്​ രാജേഷ്​ കൊലപ്പെടുത്തിയത്​.

യുവതിയെയും പെൺകുട്ടികളെയും തലയറുത്ത്​ കൊന്ന ശേഷം ശരീരം വെട്ടിനുറുക്കി ​വലിയ ഡ്രമ്മിലിടുകയും തല കുഴിച്ചു മൂടുകയുമായിരുന്നു. സുഹൃത്തുക്കളായ മഖൻ ലാൽ, പൂനം എന്ന ഫൗജി എന്നിവരുടെ സഹാത്തോടെയാണ്​ ഇയാൾ ഇൗ ക്രൂരകൃത്യം നടത്തിയത്​.

വിവാഹബന്ധം വേർപെടുത്തിയ യുവതിക്കൊപ്പമാണ്​ വർഷങ്ങളായി രാജേഷ്​ താമസിച്ചിരുന്നത്​. ഇവരുടെ മൂന്നുവയസായ കുഞ്ഞി​​​െൻറ പിതാവും ഇയാളായിരുന്നു. കുട്ടികളെ വളർത്താനുള്ള ചെലവിന്​ പണം നൽകണമെന്ന്​ യുവതി നിരന്തരം ആവശ്യപ്പെട്ടിരുന്നു. ഇതേചൊല്ലി ഇയാൾ യുവതിയെ മർദിക്കുകയും പീഡിപ്പിക്കുകയും ചെയ്​തു. ഇവരെ ഒഴിവാക്കാൻ രാജേഷ്​ ശ്രമിച്ചെങ്കിലും നടന്നില്ല. തുടർന്നാണ്​ ഇയാൾ കൊലപാതകം ആസൂത്രണം ചെയ്​തത്​.

കൊലക്ക്​ ശേഷം ഒളിവിലായ ഇയാളെ പൊലീസ്​ പിന്തുടർന്ന്​ പിടികൂടുകയായിരുന്നു. മറ്റ്​ രണ്ട്​ പ്രതികളെ പിടികൂടാൻ കഴിഞ്ഞിട്ടില്ല.