Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമാസ്​ക്​ ധരിച്ചില്ല;...

മാസ്​ക്​ ധരിച്ചില്ല; കൊൽക്കത്തയിൽ ഭിന്നശേഷിക്കാരൻ മകനെ പിതാവ്​ കൊലപ്പെടുത്തി

text_fields
bookmark_border
murder
cancel

കൊൽക്കത്ത: വീട്ടിൽ നിന്ന് പുറത്തിറങ്ങുമ്പോൾ മകൻ മാസ്​ക്​ ധരിക്കാത്തതിനെ തുടർന്നുണ്ടായ തർക്കത്തിനൊടുവിൽ ഭിന്നശേഷിക്കാരനായ മകനെ പിതാവ്​ കൊലപ്പെടുത്തി. വടക്കൻ കൊൽക്കത്തയിൽ ശനിയാഴ്ച വൈകീ​​ട്ട്​ 5.30ഓടെയായിരുന്നു സംഭ വം. 78കാരനായ ബൻഷിധർ മല്ലിക് ആണ്​ മകൻ സിർഷെന്ദു മല്ലിക്കിനെ(45) തുണി ഉപയോഗിച്ച്​ ശ്വാസം മുട്ടിച്ച്​ കൊലപ്പെടുത്തിയത്​.

കൊലപാതകത്തെ തുടർന്ന് രാത്രി ഏഴു മണിയോടെ​ ഇയാൾ ശ്യാംപുകുർ പൊലീസ് സ്റ്റേഷനിൽ കീഴടങ്ങുകയായിരുന്നു. പൊലീസ് പ്രതിയെ അറസ്റ്റ് ചെയ്യുകയും കൊലപാതക കേസ് രജിസ്​റ്റർ ചെയ്​ത്​ അന്വേഷണം ആരംഭിക്കുകയും ചെയ്തു.

ബൻഷിധർ മല്ലികും മകനും തമ്മിൽ നല്ല ബന്ധത്തിലായിരുന്നില്ലെന്നും ഇരുവരും സ്ഥിരമായി തർക്കത്തിൽ ഏർപ്പെടാറുണ്ടായിരുന്നുവെന്നും പൊലീസ്​ പറയുന്നു. ഇടക്കിടെ വീട്ടിൽ നിന്ന്​ പുറത്തേക്ക്​ ഇറങ്ങി പോകുന്ന മകനോട്​ പിതാവ്​ മാസ്​ക്​ ധരിക്കാൻ ആവശ്യപ്പെടാറുണ്ടായിരുന്നു. എന്നാൽ ഇത്​ അനുസരിക്കാൻ മകൻ തയാറല്ലായിരുന്നു. ഈ വിഷയത്തിൽ ശനിയാഴ്​ചയും ഇരുവരും തർക്കത്തിലേർപ്പെടുകയും കോപാക​ുലനായ പിതാവ്​ മകനെ കൊലപ്പെട​ുത്തുകയുമായിരുന്നു.

പശ്ചിമ ബംഗാളിൽ പൊതു​സ്ഥലങ്ങളിൽ മാസ്​ക്​ നിർബന്ധമാക്കി സർക്കാർ മാർച്ച്​ 12ന്​ ഉത്തരവിട്ടിരുന്നു. പലർക്കും​ കോവിഡ്​ 19 സ്ഥിരീകരിച്ചതോടെ സംസ്ഥാനത്തെ നിരവധി സ്ഥലങ്ങൾ റെഡ്​ സോണുകളായി പ്രഖ്യാപിച്ചിരിക്കുകയാണ്​.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:malayalam newsindia newsKillingface mask
News Summary - Man kills 48-yr-old physically challenged son after he refuses to wear face mask -india news
Next Story