വൃത്തിയില്ലാത്ത ടിഷ്യൂ പേപ്പറിനെച്ചൊല്ലി തർക്കം; ഉപഭോക്​താവിനെ വെയ്​റ്റർ കൊലപ്പെടുത്തി

മുംബൈ: വൃത്തിയില്ലാത്ത ടിഷ്യൂ പേപ്പറിനെച്ചൊല്ലിയുള്ള നിസ്സാര കലഹം ഹോട്ടലിൽ ഭക്ഷണം കഴിക്കാനെത്തിയ യുവാവി​െൻറ ജീവനെടുത്തു. തർക്കം മൂർച്​ഛിച്ചപ്പോൾ ഉപഭോക്​താവിനെ ഹോട്ടലിലെ വെയ്​റ്റർ ഓടുകൊണ്ട്​ തലക്കിടിച്ച്​​ കൊലപ്പെടുത്തുകയായിരുന്നു. താനെയിൽ മുലുന്ദിലെ തട്ടുകടയിലാണ്​ ദാരുണ സംഭവം.

നവ്​നാഥ്​ പാവ്​നെ എന്ന 29കാര​െനയാണ്​ വെയ്​റ്റർ ​െകാലപ്പെടുത്തിയത്​. സംഭവത്തിൽ തട്ടുകടയിലെ ജീവനക്കാരായ രാംലാൽ ഗുപ്​ത, ദിലീപ്​ ഭാരതി, ഫിറോസ്​ മുഹമ്മദ്​ ഖാൻ എന്നിവരെ അറസ്​റ്റ്​ ചെയ്​തതായി പൊലീസ്​ അറിയിച്ചു.

'ചെറിയ തർക്കത്തിൽനിന്നാണ്​ കൊലപാതകത്തിലെത്തിയത്​. ടിഷ്യൂ വൃത്തി കുറഞ്ഞതിനെച്ചൊല്ലി നവ്​നാഥ്​ പരാതിപ്പെട്ടപ്പോൾ വെയ്​റ്ററും അദ്ദേഹവുമായി വാക്കുതർക്കമുണ്ടാവുകയായിരുന്നു. വെയ്​റ്റർ തലക്ക്​ അടിച്ചതി​െന തുടർന്നാണ്​ മരണം സംഭവിച്ചത്​. മരിച്ചയാളുടെ പിതാവ്​ നൽകിയ പരാതിയുടെ അടിസ്​ഥാനത്തിൽ കൊലപാത​േക്കസ്​ രജിസ്​റ്റർ ചെയ്​ത്​ അന്വേഷണം നടത്തുകയായിരുന്നു. സംഭവത്തിൽ മൂന്നുപേർ അറസ്​റ്റിലായിട്ടുണ്ട്​.' -ഡി.സി.പി പ്രശാന്ത്​ കദം പറഞ്ഞു.

ഒക്​ട്രോയി നാകയിലെ ബാബ ധാബയിൽ ഭക്ഷണം കഴിക്കാനെത്തിയ നവ്​നാഥും സുഹൃത്തും ടിഷ്യൂപേപ്പർ ആവശ്യപ്പെട്ടപ്പോൾ വെയ്​റ്റർ നുലുകൊണ്ട്​ കെട്ടിയ ഒരു കെട്ട്​ പേപ്പർ നൽകുകയായിരു​ന്നു. ഇത്​ വൃത്തിയില്ലെന്നും ടിഷ്യൂ ബോക്​സിൽ വൃത്തിയോടെ സൂക്ഷിക്കണമെന്നും പറഞ്ഞതോടെ തർക്കമാവുകയായിരുന്നു. വാഗ്വാദം മൂർച്​ഛിച്ചപ്പോൾ വെയ്​റ്റർ സമീപത്തുണ്ടായിരുന്ന ഓടെടുത്ത്​ തലക്ക്​ അടിക്കുകയായിരുന്നു. സംഭവസ്​ഥലത്ത്​ കുഴഞ്ഞുവീണ നവ്​നാഥിനെ ആശുപത്രിലെത്തിച്ചെങ്കിലും രണ്ടു ദിവസങ്ങൾക്കുശേഷം മരിക്കുകയായിരുന്നു. ഏതു വെയ്​റ്ററാണ്​ കൊലപാതകത്തിന്​ കാരണക്കാരനെന്നും കേസിൽ മറ്റുള്ളവരുടെ റോൾ എന്താണെന്നും പൊലീസ്​ വെളിപ്പെടുത്തിയിട്ടില്ല.