അനുവദിച്ചതിനേക്കാൾ പത്തിരട്ടിയാളുകൾ മകളുടെ വിവാഹ വേദിയിൽ​; പിതാവിന്​ 50,000 രൂപയിട്ട്​ അധികൃതർ

ലാത്തൂർ: കോവിഡ്​ പ്രോ​ട്ടോക്കോൾ ലംഘിച്ച്​ മകളുടെ വിവാഹത്തിന്​ 250 ലേറെ പ​ങ്കെടുപ്പിച്ചതിന്​ 50000 രൂപ പിഴ ഈടാക്കി ​അധികൃതർ​. മഹാരാഷ്ട്രയിലെ ലത്തൂർ ജില്ലയിൽ തലേഗാവോ ഗ്രാമത്തിലാണ്​ സംഭവം.

തലേഗാവേ സ്വദേശി രാം ഗോവിന്ദ് ബിരാദാരാണ്​ കോവിഡ്​ നിയമങ്ങളെല്ലാം കാറ്റിൽ പറത്തി മകളുടെ കല്യാണം നടത്തിയത്​. 25 പേർക്ക്​ മാത്രമാണ്​ കോവിഡ്​ നിയന്ത്രണങ്ങൾ അനുസരിച്ച്​ വിവാഹങ്ങളിൽ പ​ങ്കെടുക്കാൻ മഹാരാഷ്​ട്ര സർക്കാർ അനുമതി നൽകിയിട്ടുള്ളു.

പ്രദേശത്തെ കർഫ്യൂ നിരീക്ഷിക്കാനിറങ്ങിയ േബ്ലാക്ക്​ ഡവലപ്പ്​മെൻറ്​ ഓഫീസർ മനോജ്​ റൗത്തി​െൻറയും ഡെപ്യൂട്ടി തഹസിൽദാർ വിലാസ്​ ടാരഞ്ചി​െൻറയും ശ്രദ്ധയിൽപ്പെട്ട​േതാടെയാണ്​ പെൺകുട്ടിയുടെ പിതാവിന്​ നടപടി നേരിടേണ്ടി വന്നത്​. 250 മുതൽ 300 ഓളം പേരാണ്​ വിവാഹവേദിയിൽ ഉണ്ടായിരുന്നത്​.6,73,481 പേരാണ്​ നിലവിൽ മഹാരാഷ്​ട്രയിൽ കോവിഡ്​ ബാധിച്ച്​ ചികിത്സയിലുള്ളത്​