Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightറോഡിൽ നിന്ന്​ ലഭിച്ച...

റോഡിൽ നിന്ന്​ ലഭിച്ച 'പവർബാങ്ക്​' മൊബൈലിൽ ഘടിപ്പിച്ച യുവാവിന്​ ദാരുണാന്ത്യം

text_fields
bookmark_border
റോഡിൽ നിന്ന്​ ലഭിച്ച പവർബാങ്ക്​ മൊബൈലിൽ ഘടിപ്പിച്ച യുവാവിന്​ ദാരുണാന്ത്യം
cancel

ഭോപാൽ: മൊബൈൽ ഫോൺ ചാർജ്​ ചെയ്യാൻ ഉപയോഗിക്കുന്ന പവർബാങ്കിന്​ സമാനമായ ഉപകരണം​ പൊട്ടിത്തെറിച്ച്​ 28കാരന്​ ദാരുണാന്ത്യം. റോഡിൽ നിന്ന്​ ശേഖരിച്ച ഉപകരണം മൊബൈൽ ഫോണിൽ ഘടിപ്പിച്ചപ്പോൾ​ പൊട്ടിത്തെറിക്കുകയായിരുന്നു. മധ്യപ്രദേശിലെ ഉമരിയയിലെ ചർപോഡ്​ ഗ്രാമത്തിൽ വെള്ളിയാഴ്ചയാണ്​ സംഭവമെന്ന്​ പൊലീസ്​ പറഞ്ഞു.

എന്നാൽ മരിച്ച യുവാവ്​ ഉപയോഗിച്ചത്​ പവർബാങ്ക്​ തന്നെയാണോയന്ന്​ ഉറപ്പ്​ വരുത്തുന്നതേ ഉള്ളൂ.

മരിച്ച റാം സാഹിൽ പാൽ തന്‍റെ കൃഷിയിടത്തിലേക്ക്​ പോകുന്ന വേളയിലാണ്​ ​വഴിയരികിൽ ഇൗ ഉപകരണം കണ്ടത്​. വീട്ടിലേക്ക്​ മടങ്ങിയ ഇയാൾ അയൽപക്കത്ത്​ വെച്ച്​ മൊബൈൽ ഉപകരണത്തിൽ ഘടിപ്പിച്ചപ്പോൾ പൊട്ടിത്തെറിക്കുകയായിരുന്നുവെന്ന്​ അയൽവാസികൾ പറഞ്ഞു. റാം സാഹിൽ സംഭവ സ്​ഥലത്ത്​ വെച്ച്​ തന്നെ മരിച്ചു.

'ഉപകരണം പവർബാങ്ക്​ ആണോ അതോ മറ്റ്​ ഏതെങ്കിലും വസ്​തുവാണോ എന്ന്​ അറിയാൻ ഫോറൻസിക്​ പരിശോധനക്ക്​ അയച്ചു'-പൊലീസ്​ ഉദ്യോഗസ്​ഥയായ ഭാരതി ജാട്​ പറഞ്ഞു. ​സ്​ഫോടക വസ്​തുവല്ല പൊട്ടിത്തെറിച്ചതെന്നാണ്​ പൊലീസിന്‍റെ പ്രാഥമിക​ നിഗമനം. സംഭവത്തിൽ കേസ്​ രജിസ്റ്റർ ചെയ്​ത്​ അന്വേഷണം ആരംഭിച്ചു.

Show Full Article
TAGS:power bank madhya pradesh explosion 
News Summary - Man Dies in madhya pradesh After Power Bank Like Device Explodes
Next Story