വിവാഹം കഴിക്കാൻ 23കാരൻ സൈക്കിളിൽ താണ്ടിയത്​ 100 കിലോമീറ്റർ

ഹമിർപുർ: വിവാഹം കഴിക്കാൻ കൊറോണയും ലോക്​ഡൗണുമൊന്നും ഉത്തർപ്രദേശിലെ 23കാരന്​ മുന്നിൽ വെല്ലുവിളിയായില്ല. 100 കി.മി ദൂരം സൈക്കിൾ ചവിട്ടി കൽകി പ്രജാപതി വധുവി​​െൻറ വീട്ടിലെത്തി. ആചാരപ്രകാരം വിവാഹം നടത്തി വധുവുമായി സൈക്കിളിൽ തന്നെ മടങ്ങുകയും ചെയ്​തു. ലഖ്​നോവിൽ നിന്ന്​ 150 കി.മി അകലെയുള്ള പൗതിയ ജില്ലയിലാണ്​ സംഭവം. 

ഏപ്രിൽ 25നാണ്​ റിങ്കിയുമായി പ്രജാപതിയുടെ വിവാഹം നി​ശ്​ചയിച്ചിരുന്നത്​. വിവാഹത്തിന്​ അധികൃതർ അനുമതി നൽകുമെന്ന പ്രതീക്ഷയിലായിരുന്നു പ്രജാപതി. നടക്കില്ലെന്നുറപ്പായപ്പോഴാണ്​ സ്വന്തം നിലക്ക്​ കാര്യം നോക്കിയത്​. ലഖ്​നോവിൽ നിന്ന്​ 230 കി.മി ദൂരമുണ്ട്​ വധൂഗൃഹതതിലേക്ക്​.

‘‘വിവാഹത്തിന്​ പൊലീസി​​െൻറ അനുമതി ലഭിക്കാതായപ്പോൾ എ​​െൻറ മുന്നിൽ മറ്റു വഴികളില്ലായിരുന്നു. മോ​ട്ടോർ സൈക്കിളുണ്ടെങ്കിലും ലൈസൻസില്ല. ഒടുവിൽ വധുവിനെ കൊണ്ടുവരാൻ സൈക്കിളിൽ പുറപ്പെടുകയായിരുന്നു. കൊറോണയെ തടയാൻ കർച്ചീഫ്​ കൊണ്ട്​ മുഖം മറച്ചായിരുന്നു യാത്ര. ’’-പ്രജാപതി പറയുന്നു. 
പത്താംക്ലാസ്​ പൂർത്തിയാക്കിയ പ്രജാപതി കർഷകനാണ്​. മാതാവ്​ സുഖമില്ലാതിരിക്കുകയാണ്​. അതിനാൽ ഭക്ഷണം ഉണ്ടാക്കിത്തരാൻ പോലും ആരുമില്ല. വിവാഹം കഴിച്ചാൽ അതിനു പരിഹാരമാകുമെന്ന വിശ്വാസത്തിലാണ്​ താൻ ലോക്​ഡൗൺ കഴിയുന്നതു വരെ കാത്തിരിക്കാതിരുന്നതെന്നും പ്രജാപതി പറഞ്ഞു.