Begin typing your search above and press return to search.
proflie-avatar
Login
exit_to_app
exit_to_app
ഭാര്യയോട്​ പിണങ്ങി വീടുവിട്ടയാളെന്ന്​ കരുതി ഖബറടക്കം; രണ്ട്​ ദിവസം കഴിഞ്ഞ്​ പരേതൻ തിര​ിച്ചെത്തി
cancel
camera_alt

representative image

Homechevron_rightNewschevron_rightIndiachevron_rightഭാര്യയോട്​ പിണങ്ങി...

ഭാര്യയോട്​ പിണങ്ങി വീടുവിട്ടയാളെന്ന്​ കരുതി ഖബറടക്കം; രണ്ട്​ ദിവസം കഴിഞ്ഞ്​ 'പരേതൻ' തിര​ിച്ചെത്തി

text_fields
bookmark_border

കാൺപൂർ: ഭാര്യയോട്​ പിണങ്ങി വീടുവിട്ടയാളെന്ന്​​ കരുതി ഖബറടക്കം കഴിഞ്ഞ 'പരേതൻ' രണ്ട്​ ദിവസത്തിന് ശേഷം വീട്ടിൽ മടങ്ങിയെത്തി. ഉത്തർപ്രദേശിലെ ചക്കേരി പൊലീസ് സ്​റ്റേഷൻ പരിധിയിൽ കേണൽഗഞ്ച്​ എന്ന ​​ഗ്രാമത്തിലാണ്​ സംഭവം.

അഹ്​മദ് ഹസ്സൻ എന്നയാൾ ഭാര്യ നഗ്​മയുമായി പിണങ്ങി ആഗസ്​റ്റ്​ രണ്ടിനാണ്​ വീട്ടിൽനിന്ന് ഇറങ്ങിപ്പോയത്​. തുടർന്ന്​ ഇയാളെ കാണാനില്ലെന്ന്​ പൊലീസിൽ പരാതിയെത്തി. മൂന്ന്​ ദിവസത്തിന്​ ശേഷം പൊലീസ്​ ഒരു മൃതദേഹം കണ്ടെത്തി. സഹോദരങ്ങൾ ഹസ്സ​േൻറതാണ്​​ മൃതദേഹമെന്ന്​ ഉറപ്പിക്കുകയും തുടർന്ന്​ ഖബറടക്ക ചടങ്ങുകൾ നടത്തുകയും ചെയ്​തു. എന്നാൽ, കുടുംബാംഗങ്ങളെ ഒന്നാകെ ആശ്ചര്യപ്പെടുത്തി ഇദ്ദേഹം രണ്ട്​ ദിവസം കഴിഞ്ഞ്​ വീടി​െൻറ പടികയറിയെത്തുകയായിരുന്നു.

'ഭാര്യമായിട്ടുള്ള പിണക്കത്തെ തുടർന്നാണ്​ ഞാൻ വീട്​ വിട്ടിറങ്ങിയത്​. യാത്രക്കിടെ ഒരാൾ സഹായവുമായെത്തി. അയാളുടെ കൂടെ ഫാക്​ടറിയിൽ ജോലി ചെയ്​തു. ജോലി ചെയ്​തതി​െൻറ കൂലി കിട്ടിയപ്പോൾ വീട്ടിലേക്ക്​ മടങ്ങാമെന്ന്​ വിചാരിച്ചു. വീട്​ അടച്ചിട്ട നിലയിലായിരുന്നു. അയൽവാസികൾ എന്നെ കണ്ടതോടെ പൊലീസിൽ വിവരം അറിയിച്ചു. ഞാൻ മരിച്ചതായും ഖബറടക്കം കഴിഞ്ഞതായുമുള്ള വാർത്തകൾ വരുന്ന വഴിക്ക്​ തന്നെ അറിയാൻ കഴിഞ്ഞു. എന്നാൽ, എനിക്ക്​ പകരം മറ്റാരെയോ ആണ്​ അവർ ഖബറടക്കിയിട്ടുള്ളത്​​' -ഹസ്സൻ പറഞ്ഞു.

ഭർത്താവ്​ മടങ്ങിയെത്തിയതിൽ സന്തോഷമുണ്ടെന്ന്​ ഭാര്യ നഗ്​മ പറഞ്ഞു. 'ഞങ്ങൾ തമ്മിൽ ചെറിയ പിണക്കം മാത്രമാണുണ്ടായത്​. അദ്ദേഹം ദേഷ്യപ്പെട്ട്​ ഇറങ്ങിപ്പോവുകയായിരുന്നു. രണ്ട്​ ദിവസം കാണാതായപ്പോൾ പൊലീസിൽ പരാതി നൽകി. പൊലീസ്​ കണ്ടെത്തിയ മൃതദേഹം അദ്ദേഹത്തിനോട്​ സാമ്യമുണ്ടായിരുന്നു. പക്ഷെ, അപ്പോഴും എനിക്ക്​ സംശയം ബാക്കിയായിരുന്നു. എന്നാൽ, സഹോദരങ്ങളാണ്​ അത്​ ഉറപ്പിച്ചത്​. എന്തായാലും അദ്ദേഹം തിരിച്ചുവന്നതിൽ ഒരുപാട്​ സന്തോഷമുണ്ട്​' -നാഗ്​മ കൂട്ടിച്ചേർത്തു.

മാറി ഖബറടക്കിയ മൃതദേഹം ആരുടേതാണെന്ന ചോദ്യമാണ്​ പൊലീസിന്​ മുന്നിലുള്ളത്​. അതേസമയം, കുടുംബത്തിന്​ എതിരെ നടപടിയെടുക്കില്ലെന്ന്​​ പൊലീസ്​ അറിയിച്ചു. സംശയത്തോടെയാണ്​ അവർ മൃതദേഹം ഏറ്റുവാങ്ങിയതും അന്ത്യകർമങ്ങൾ ചെയ്​തതുമെന്ന്​ കാൺപൂർ സീനിയർ സൂപ്രണ്ടൻറ്​ ഒാഫ്​ പൊലീസ്​ പ്രീതീന്ദർ സിങ്​ പറഞ്ഞു. മരിച്ചയാളുടെ ചിത്രങ്ങൾ പലയിടത്തും പ്രദർശിപ്പിക്കുമെന്നും പൊലീസ്​ അറിയിച്ചു. കൂടാതെ പോസ്​റ്റു​മോർട്ടം നടത്തിയ ഡോക്​ടറുടെ സഹായം തേടാനും തീരുമാനിച്ചിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:deathCrime Newskanpurburied
Next Story