Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപുൽവാമ ഭീകരാക്രമണം:...

പുൽവാമ ഭീകരാക്രമണം: ബോംബ്​ നിർമിക്കാനുള്ള രാസവസ്​തുക്കൾ വാങ്ങിയത്​ ആമസോണിൽ നിന്ന്

text_fields
bookmark_border
പുൽവാമ ഭീകരാക്രമണം: ബോംബ്​ നിർമിക്കാനുള്ള രാസവസ്​തുക്കൾ വാങ്ങിയത്​ ആമസോണിൽ നിന്ന്
cancel

​ശ്രീനഗർ: പുൽവാമയിൽ ഭീകരാക്രമണം നടത്താൻ സ്​ഫോടകവസ്​തുക്കൾ നിർമിക്കുന്നതിന്​ രാസവസ്​തുക്കൾ വാങ്ങിയത്​ ഓൺലൈൻ മാർക്കറ്റിങ്​ സൈറ്റായ ആമസോണിൽ നിന്നാണെന്ന്​ റിപ്പോർട്ട്​. ഭീകരാക്രമണക്കേസില്‍ അറസ്​റ്റിലായ വൈസ്​ ഉൽ ഇസ്​ലാം, മുഹമ്മദ് അബ്ബാസ് റാത്തര്‍ എന്നിവരെ ചോദ്യം ചെയ്തതില്‍ നിന്നാണ് വിവരങ്ങള്‍ ലഭിച്ചതെന്ന്​ എൻ.ഐ.എ വൃത്തങ്ങൾ അറിയിച്ചു.

ആക്രമണത്തിന്​ ഇംപ്രൊവൈസ്ഡ് എക്‌സ്‌പ്ലോസീവ് ഡിവൈസ് (ഐ.ഇ.ഡി) ആണ് ഉപയോഗിച്ചത്. ഇത് നിര്‍മിക്കുന്നതിനുള്ള രാസവസ്തുക്കളും ബാറ്ററികളും മറ്റ് സാധനങ്ങളുമാണ്​ ആമസോണില്‍ നിന്ന് വാങ്ങിയത്​. പാകിസ്​താനി ജെയ്​ശെ മുഹമ്മദ്​ തീവ്രവാദികളിൽ നിന്നും ലഭിച്ച നിർദേശങ്ങളെ തുടർന്നാണ്​ സാധനങ്ങൾ വാങ്ങിയതെന്ന്​ പ്രതികൾ പറയുന്നു. വൈസ്​ ഉൽ ഇസ്​ലാം​ രാസവസ്​തുക്കൾ വാങ്ങി നേരിട്ട് തീവ്രവാദികൾക്ക്​ കൊടുത്തെന്നും ചോദ്യംചെയ്യലിൽ വെളിപ്പെടുത്തിയതായി എൻ.ഐ.എ ഉദ്യോഗസ്ഥർ പറയുന്നു.

മറ്റ്​ പ്രതിയായ മുഹമ്മദ്​ അബ്ബാസ്​ റാത്തർ 2018 ഏപ്രിലിൽ കശ്​മീരിലെത്തിയ ജെയ്‌ശെ മുഹമ്മദ് ഭീകരനും ബോംബ് നിര്‍മാണ വിദഗ്ധനുമായ മുഹമ്മദ് ഉമറിന് ത​​​െൻറ വീട്ടില്‍ താമസ സൗകര്യമൊരുക്കി. കൂടാതെ പാകിസ്​താനിൽ നിന്നുള്ള ജെയ്​ശെ ചാവേറുകളായ ആദിൽ അഹമ്മദ്​ ദർ, സമീർ അഹമ്മദ്​ ദർ, കംറാൻ എന്നിവരെ പുല്‍വാമ ആക്രമണത്തിന് ദിവസങ്ങള്‍ക്ക് മുമ്പ് വരെ റാത്തർ ഹക്രിപുരയിലെ വീട്ടില്‍ താമസിപ്പിച്ചിരുന്നു.

ഇതില്‍ ചാവേറായ ആദിലിനെ മറ്റൊരു ജെയ്‌ശെ സഹായി ആയ താരിഖ് അഹമ്മദ് ഷായുടെ വീട്ടില്‍ എത്തിച്ചത്​ വൈസ്​ ഉൽ ഇസ്​ലാമാണ്. ഇവിടെ വെച്ചാണ് ഭീകരാക്രമണത്തിന് മുന്നോടിയായുള്ള വീഡിയോ സന്ദേശം ചിത്രീകരിച്ചതെന്നും എൻ.ഐ.എ പറയുന്നു.

2019 ഫെബ്രുവരി 14നാണ് പുൽവാമയിൽ 40 സി.ആർ.പി.എഫ്​ സൈനിക​രുടെ ജീവനെടുത്ത ഭീകരാക്രമണം നടന്നത്​.

Show Full Article
TAGS:Pulwama Attack bomb blast chemicals india news 
News Summary - Man Bought Chemicals On Amazon To Make Bomb For Pulwama Attack - India news
Next Story