നാലുവയസുകാരിയെ ബലാത്സംഗം ചെയ്യാൻ ശ്രമിച്ച അയൽവാസി അറസ്റ്റിൽ

റാഞ്ചി: നാലുവയസുകാരിയെ ബലാത്സംഗം ചെയ്യാൻ ശ്രമിച്ച അയൽവാസിയെ പൊലീസ്​ അറസ്റ്റ്​ ചെയ്​തു. ജാർഖണ്ഡിലെ രാംഗഡ്​ ജില്ലയിലാണ്​ സംഭവം.

അജയ്​ തൂരിയെന്നയാളാണ്​ പൊലീസിന്‍റെ പിടിയിലായത്​. വീടിന്​ പുറത്ത്​ കളിച്ചുകൊണ്ടിരുന്ന കുട്ടിയെ വീട്ടിലേക്ക്​ കൂട്ടികൊണ്ടുപോയി ബലാത്സംഗം ചെയ്യാൻ ശ്രമിക്കുകയുമായിരുന്നു. കുട്ടി കരഞ്ഞുകൊണ്ട്​ വീട്ടിലേക്ക്​ വരികയും മാതാവിനോട്​ സംഭവം വിശദീകരിക്കുകയുമായിരുന്നുവെന്ന്​ പിതാവ്​ പൊലീസിനോട്​ പറഞ്ഞു.

സംഭവം അറിഞ്ഞ്​ പ്രകോപിതരായ നാട്ടുകാർ ഇയാളെ പിടികൂടി പൊലീസിനെ ഏൽപ്പിച്ചു. പോക്​സോ വകുപ്പുകൾ ഉൾപ്പെടെ ചുമത്തി അജയ്​ തൂരിക്കെതിരെ കേസെടുത്തതായി പൊലീസ്​ പറഞ്ഞു.