Begin typing your search above and press return to search.
exit_to_app
exit_to_app
Azim
cancel
Homechevron_rightNewschevron_rightIndiachevron_rightവിവാഹം നടക്കുന്നില്ല,...

വിവാഹം നടക്കുന്നില്ല, ഏകാന്തത മടുത്തു; വധുവിനെ വേണമെന്ന ആവശ്യവുമായി പൊലീസിനെ സമീപിച്ച്​​ യുവാവ്​

text_fields
bookmark_border

ലഖ്​നോ: പൊതുസേവനത്തിന്‍റെ ഭാഗമായി കണക്കാക്കി തനിക്ക്​ വധുവിനെ കണ്ടെത്തി നൽകണമെന്ന ആവശ്യവുമായി പൊലീസിനെ സമീപിച്ച്​ 26കാരൻ. ഉത്തർപ്രദേശ്​ കൈരാനയിലെ അസിം മൻസൂരിയാണ്​ വ്യത്യസ്​ത ആവശ്യ​വുമായി പൊലീസിനെ സമീപിച്ചത്​.

രണ്ടടിയാണ്​ അസീമിന്‍റെ ഉയരം. ഓരോ തവണയും വീട്ടുകാർ കൊണ്ടുവരുന്ന ആലോചനകൾ അസിമിന്‍റെ ​ഉയരത്തെ ചൊല്ലി മുടങ്ങും. ഇതോടെ ഒറ്റക്കുള്ള ജീവിതവും നിരന്തര അവഗണനകളും മടുത്തുവെന്ന്​ വ്യക്തമാക്കിയാണ്​ അസിം പൊലീസിനെ സമീപിച്ചത്​. പൊലീസ്​ പൊതുജന സേവനത്തിന്‍റെ ഭാഗമായി കണക്കാക്കി വധുവി​െന കണ്ടെത്തണമെന്നാണ്​ ആവശ്യം.

അഞ്ചുവർഷമായി വധുവിനെ കണ്ടെത്താൻ ശ്രമിക്കുകയാണ്​ അസിം. കുടുംബത്തിൽ അഞ്ചുമക്കളിൽ ഏറ്റവും ഇളയ മകനാണ്. സഹോദരനൊപ്പം കോസ്​മെറ്റിക്​ ഷോപ്പ്​ നടത്തുകയാണ്​ അസിം.

ഉയരത്തെ ചൊല്ലി സഹപാഠികളിൽനിന്നും മറ്റും അവഹേളനങ്ങളും അപമാനങ്ങളും നേരിടേണ്ടിവന്നതോടെ അഞ്ചാംക്ലാസിൽ പഠനം നിർത്തി. അസിമിന്​ 21 വയസ്​ തികഞ്ഞതോടെ വീട്ടുകാർ വിവാ​ഹാലോചന. എന്നാൽ ഉയരത്തെ ചൊല്ലി ആലോചനകളെല്ലാം മുടങ്ങുകയായിരുന്നുവെന്ന്​ സഹോദരൻ പറഞ്ഞു.

ബുധനാഴ്ചയാണ്​ അസിം പൊലീസ്​ സ്​റ്റേഷനിലെത്തുന്നത്​. 'ഇക്കാര്യത്തിൽ ഞങ്ങൾക്ക്​ എന്തു​െചയ്യാൻ കഴിയുമെന്ന്​ അറിയില്ല, എന്നാൽ ഞങ്ങൾ പരമാവധി ശ്രമിക്കും' -ശമ്​ലി കോട്​വാലി എസ്​.എച്ച്​.ഒ സത്​പാൽ സിങ്​ പറഞ്ഞു. ഇതേ ആവശ്യവുമായി നേരത്തേ​ മുൻ മുഖ്യമന്ത്രി അഖിലേഷ്​ യാദവിനെയും അസിം സമീപിച്ചിരുന്നു. എട്ടുമാസം മുമ്പ്​ മുഖ്യമന്ത്രി യോഗി ആദിത്യനാഥിനും ഇതേ ആവശ്യമുന്നയിച്ച്​ അസിം കത്തെഴുതിയിരുന്നു.

Show Full Article
TAGS:Two feet tall man Uttar Pradesh Bride Marraige 
News Summary - man asks Police to find him bride as public service
Next Story