Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമാട്രിമോണിയൽ സൈറ്റുകൾ​...

മാട്രിമോണിയൽ സൈറ്റുകൾ​ വഴി പരിചയപ്പെട്ട 12 സ്​ത്രീകളെ പീഡിപ്പിച്ച യുവാവ്​ അറസ്റ്റിൽ

text_fields
bookmark_border
sexual assault
cancel
camera_alt

representational image

മുംബൈ: വൈവാഹിക വെബ്​സൈറ്റുകളിലൂടെ പരിചയപ്പെട്ട 12ലധികം സ്​ത്രീകളെ ലൈംഗിക പീഡനത്തിനിരയാക്കിയ മെക്കാനിക്കൽ എൻജിനിയറെ നവി മുംബൈ പൊലീസ്​ അറസ്റ്റ്​ ചെയ്​തു. 32കാരനായ മഹേഷ്​ എന്ന കരൺ ഗുപ്​തയാണ് തിങ്കളാഴ്ച മുംബൈയിലെ മലാഡ്​ പ്രദേശത്ത്​​ വലയിലായത്​.

നാലു മാസമായി ഇയാളെ പൊലീസ്​ അന്വേഷിക്കുകയായിരുന്നു. വൈവാഹിക സൈറ്റുകളിലൂടെയാണ്​ ഇയാൾ വിദ്യാസമ്പന്നരായ സ്​ത്രീകളുമായി അടുപ്പം സ്​ഥാപിക്കുന്നത്​. പരിചയം ആകുന്നതോടെ റസ്റ്ററന്‍റിലോ മാളിലോ പബിലോ വെച്ച്​ കാണാമെന്ന്​ പറയും.

അത്തരം കൂടിക്കാഴ്ചകൾക്കിടയിലാണ്​ ഇയാൾ യുവതികളെ ചൂഷണം ചെയ്​തതെന്ന്​ ഡി.സി.പി സുരേഷ്​ മെങ്​ഗാഡെ പറഞ്ഞു.

'ഓരോ തവണയും ഇയാൾ വ്യത്യസ്​ഥ മൊബൈൽ നമ്പറുകളാണ്​ ഉപയോഗിക്കുക. കുറ്റകൃത്യത്തിന്​ ശേഷം ഇയാൾ സ്​ഥിരമായി നമ്പർ മാറ്റും. ഓൺലൈനായി ടാക്​സി ബുക്ക്​ ചെയ്യാൻ പോലും ഇയാൾ സ്വന്തം പേരിലുള്ള സിം കാർഡ്​ അല്ല​ ഉപയോഗിക്കാറുള്ളത്​​. മുമ്പ്​ ഹാക്കറായി ജോലി ചെയ്​തിരുന്ന പ്രതിക്ക്​ നല്ല കംപ്യൂട്ടർ പരിജ്ഞാനമുണ്ട്​. എന്നാൽ അത്​ ഇയാൾ തെറ്റായി ഉപയോഗപ്പെടുത്തുകയായിരുന്നു' -സുരേഷ്​ പറഞ്ഞു.

മികച്ച സ്​ഥാപനങ്ങളിൽ നിന്ന്​ വിദ്യാഭ്യാസം നേടിയ പ്രതി മുമ്പ്​ വലിയ കമ്പനികളിൽ ജോലി ചെയ്​തിരുന്നതായി പൊലീസ്​ പറഞ്ഞു.

ഇതുവരെ 12 യുവതിളെയാണ്​ ഇയാൾ പീഡനത്തിനിരയാക്കിയതെന്നാണ്​ വിവരം. എന്നാൽ യഥാർഥ സംഖ്യ ഇനിയും കൂടാം. കോടതിയിൽ ഹാജരാക്കിയ പ്രതിയെ നാലുദിവസത്തെ പൊലീസ്​ കസ്റ്റഡിയിൽ വിട്ടിരിക്കുകയാണെന്നും പൊലീസ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime Newsmatrimonial sitesSexual harrasment
News Summary - Man arrested for sexually assaulting 12 women know through matrimonial sites
Next Story