വനിതാ ഹോസ്റ്റലിൽ സ്ത്രീവേഷം ധരിച്ച്​ മോഷണശ്രമം: യുവാവ് അറസ്റ്റിൽ

ചെന്നൈ: കോയമ്പത്തൂരിലെ ഭാരതിയാർ സർവകലാശാല വനിത ഹോസ്റ്റലിൽ രാത്രികാലങ്ങളിൽ കറങ്ങിനടന്നിരുന്ന 19കാരനെ വടവള്ളി പൊലീസ് അറസ്റ്റ് ചെയ്തു. കോയമ്പത്തൂർ കൽവീരാംപാളയം മാരിയമ്മൻ കോവിൽ തെരുവിലെ സുരേന്ദറാണ്​ പ്രതി. സർവകലാശാലയുടെ ചുറ്റുമതിൽ ചാടിക്കടന്ന്​ ഹോസ്റ്റൽ അന്തേവാസിനികളുടെ വസ്ത്രം മോഷ്ടിച്ച്​ ധരിച്ചാണ്​ ഇയാൾ കറങ്ങി നടന്നിരുന്നത്​. സംശയം തോന്നാതിരിക്കാനാണ്​ പെൺകുട്ടികളുടെ വസ്ത്രം ധരിച്ചതെന്ന്​ പ്രതി പൊലീസിന്​ മൊഴി നൽകി. ​

അജ്ഞാത മനുഷ്യർ അലഞ്ഞുതിരിയുന്നതായും താമസിക്കാൻ ഭയമാണെന്നും ആരോപിച്ച് സർവകലാശാലയുടെ പ്രവേശനകവാടത്തിന് മുന്നിൽ ഹോസ്റ്റൽ അന്തേവാസിനികൾ ഈയിടെ പ്രതിഷേധ പ്രകടനം നടത്തിയിരുന്നു. ​ൈവസ്​ ചാൻസലർ വിദ്യാർഥികളുടെ സുരക്ഷ ഉറപ്പുവരുത്താൻ നടപടിയെടുക്കുമെന്ന്​ ഉറപ്പ്​ നൽകിയതോടെയാണ്​ സമരം അവസാനിച്ചത്​.

ഇതിനുശേഷവും ഹോസ്റ്റൽ മുറിയുടെ ജനലിലൂടെ ലാപ്ടോപ്​ എടുക്കാൻ വിഫലശ്രമം നടന്നു. ഇതുമായി ബന്ധ​പ്പെട്ട്​ യുനിവേഴ്​സിറ്റി രജിസ്​ട്രാർ വടവള്ളി പൊലീസിൽ പരാതി നൽകി. തുടർന്ന്​ രണ്ട്​ പ്രത്യേക പൊലീസ്​ ടീമുകൾ നിയോഗിക്കപ്പെട്ടു. വ്യാഴാഴ്ച പുലർച്ച പൊലീസ്​ പട്രോളിങ്ങിനിടെയാണ്​ സംശയാസ്പദമായ സാഹചര്യത്തിൽ കാണ​പ്പെട്ട പ്രതിയെ കസ്റ്റഡിയിലെടുത്തത്​.