Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവ്യാജ കോവിഡ്​...

വ്യാജ കോവിഡ്​ നെഗറ്റിവ്​ സർട്ടിഫിക്കറ്റ്​ വിൽപന- ചെന്നൈയിൽ ഒരാൾ പിടിയിൽ

text_fields
bookmark_border
വ്യാജ കോവിഡ്​ നെഗറ്റിവ്​ സർട്ടിഫിക്കറ്റ്​ വിൽപന- ചെന്നൈയിൽ ഒരാൾ പിടിയിൽ
cancel
camera_alt

അറസ്​റ്റിലായ ഇർഫാൻഖാനും ​വ്യാജ കോവിഡ്​ സർട്ടിഫിക്കറ്റി​െൻറ പകർപ്പും

ചെന്നൈ: വ്യാജ കോവിഡ്​ സർട്ടിഫിക്കറ്റുകൾ വിൽപനയുമായി ബന്ധപ്പെട്ട കേസിൽ ഒരാൾ അറസ്​റ്റിൽ. ചെന്നൈ തിരുവല്ലിക്കേണി എസ്​.ഇർഫാൻഖാൻ(29) ആണ്​ പിടിയിലായത്​. ഇയാളുടെ കൂട്ടാളിയായ ദുബൈയിലെ പ്രവീൺ എന്നയാളെ അറസ്​റ്റ്​ ചെയ്യാനും പൊലീസ്​ നടപടി സ്വീകരിച്ചിട്ടുണ്ട്​.

വിദേശരാജ്യങ്ങളിൽ പോകുന്നതിന്​ അടിയന്തിരമായി കോവിഡ്​ നെഗറ്റിവ്​ സർട്ടിഫിക്കറ്റ്​ ആവശ്യമുള്ളവരെയാണ്​ ഇവർ വലയിൽ വീഴ്​ത്തുന്നത്​. 500 രൂപയാണ്​ ഫീസ്​. തുക ജീപേയിൽ(ഗൂഗിൾ പേ) അടക്കണം. പാസ്​പോർട്ടി​െൻറ കോപ്പി നൽകിയാൽ അരമണിക്കൂറിനകം കോവിഡ്​ സർട്ടിഫിക്കറ്റ്​ വാട്ട്​സ്ആപ്പിലൂടെ ലഭ്യമാവും. ദുബൈയിലുള്ള പ്രവീൺ ആണ്​ ഫോ​േട്ടാഷോപ്പ്​ ഉപയോഗിച്ച്​ സർട്ടിഫിക്കറ്റുകൾ നിർമിക്കുന്നത്​. നാലു മാസത്തിനിടെ ഇത്തരത്തിൽ 70 സർട്ടിഫിക്കറ്റുകൾ വിതരണം ചെയ്​തതായാണ്​ പൊലീസ്​ പറയുന്നത്​.

ചെന്നൈയിലെ മന്നടിയിലെ 'കെ.എച്ച്​.എം മെഡിക്കൽ സെൻററി'​െൻറ പേരിലുള്ള വ്യാജ കോവിഡ്​ നെഗറ്റിവ്​ സർട്ടിഫിക്കറ്റുകളാണ്​ ഇവർ വിൽപന നടത്തിയിരുന്നത്​. വിവരമറിഞ്ഞ ലാബുടമ ഹരിഷ്​ പർവേഷ്​ നൽകിയ പരാതിയുടെ അടിസ്​ഥാനത്തിലാണ്​ അറസ്​റ്റ്​ നടപടി.

ഇർഫാൻഖാൻ ദുബൈയിൽനിന്ന്​ നാട്ടിലേക്ക്​ മടങ്ങവെ പ്രവീൺ വ്യാജ കോവിഡ്​ സർട്ടിഫിക്കറ്റ്​ തരപ്പെടുത്തി കൊടുത്തിരുന്നു. ചെന്നൈയിലെത്തിയ ഇർഫാൻ പിന്നീട്​ ഇതി​െൻറ ഏജൻറായി പ്രവർത്തിക്കുകയായിരുന്നു. ഇതിലൂടെ ലഭ്യമാവുന്ന തുക ഇരുവരും തുല്യമായി വീതിച്ചെടുക്കുകയായിരുന്നു പതിവ്​.

Show Full Article
TAGS:Fake Covid Negative Certificate Chennai arrested 
News Summary - Man arrested in Chennai for selling fake Covid Negative Certificates
Next Story