മമത ബാനർജി ഹിന്ദുമതം വിടണമെന്ന്​ രാജസ്​ഥാൻ മന്ത്രി

ജയ്​പുർ: ബി.ജെ.പി രാജ്യത്ത്​ താലിബാനി ഹിന്ദുത്വ അന്തരീക്ഷം സൃഷ്​ടിക്കുന്നുവെന്ന്​ ആരോപിച്ച പശ്ചിമബംഗാൾ മുഖ്യമന്ത്രി മമത ബാനർജി ഹിന്ദുമതം വിടണമെന്ന്​ രാജസ്​ഥാൻ മന്ത്രി.

മമതക്ക്​ വിവരവും രാജ്യസ്​നേഹവുമില്ലെന്നും​ എല്ലാ ഹിന്ദുത്വ സംഘടനകളും തീവ്രവാദികളാണെന്ന നാണംകെട്ട പ്രസ്​താവന നടത്തിയ അവർ ഇനിയും ഹിന്ദുമതത്തിൽ തുടരരുതെന്നും തൊഴിൽമന്ത്രി ജസ്​വന്ത്​ സിങ്​ യാദവ്​ ആവശ്യപ്പെട്ടു.

ആൽവാറിൽ പശുക്കടത്ത്​ ആരോപിച്ച്​ റക്​ബർ ഖാനെ ആൾക്കൂട്ട​ം ദാരുണമായി കൊലചെയ്​ത സംഭവത്തിനു പിന്നാലെയായിരുന്നു മമതയുടെ പരാമർശം. താലിബാനി വർഗീയതയുടെയും താലിബാനി ഹിന്ദുത്വയ​ുടെയും അന്തരീക്ഷമാണ്​ ബി.ജെ.പി സൃഷ്​ടിക്കുന്നതെന്നായിരുന്നു മമതയുടെ ആരോപണം.