മോദിക്ക്​ തെരഞ്ഞെടുപ്പ്​ തോൽക്കു​േമ്പാൾ വരുന്ന ഹാരാടങ്ക എന്ന രോഗം -മമത​

​കൊൽക്കത്ത: തെരഞ്ഞെടുപ്പ്​ തോൽക്കു​േമ്പാൾ മാത്രം വരുന്ന ഹാരാടങ്ക എന്ന രോഗമാണ്​ പ്രധാനമന്ത്രി നരേന്ദ്ര മോദിക്കെന്ന്​ പശ്ചിമ ബംഗാൾ മുഖ്യമന്ത്രി മമത ബാനർജി. പരാജയ ഭീതി കാരണമാണ്​ മോദി വർഗീയ പരാമർശങ്ങൾ നടത്തി ബംഗാള ിൽ വിജയിക്കാൻ ശ്രമിക്കുന്നതെന്നും അവർ പറഞ്ഞു. കൃഷ്​ണ നഗറിൽ തെരഞ്ഞെടുപ്പ്​ റാലിയിൽ സംസാരിക്കുകയായിരുന്നു മമത .

മോദിക്ക്​ അറിയാം അയാൾ തെരഞ്ഞെടുപ്പിൽ പരാജയപ്പെടുമെന്ന്​. അദ്ദേഹത്തിൻെറ മുഖത്ത്​ അതിൻെറ ആശങ്ക കാണാം. മോദി ഇപ്പോൾ ഹാരാടങ്ക എന്ന രോഗത്തിന്​ അടിമയാണ്​. ഉത്തർപ്രദേശ്​, രാജസ്ഥാൻ, ന്യൂഡൽഹി, പഞ്ചാബ്​, ആന്ധ്രപ്രദേശ്​, ഗുജ്​റാത്​, ഒഡിഷ, തുടങ്ങിയ സംസ്ഥാനങ്ങളിൽ പരാജയപ്പെടുമെന്ന ഭയത്താലാണ്​ ഓരോ മണ്ടത്തരങ്ങൾ വിളിച്ചുപറയുന്നത്​.

ത്രിപുരയിൽ ബി.ജെ.പി വിജയിക്കുമെന്ന കാര്യത്തിൽ ആർക്കും ഒരു ആശങ്കയില്ല. കാരണം അവിടെ വിജയിച്ചത്​ കൊണ്ട്​ 543 സീറ്റുകൾ ബി.ജെ.പിക്ക്​ ലഭിക്കണം എന്നില്ല. അതിനാലാണ്​ ബംഗാളിൽ ചുറ്റിക്കളിച്ച്​ ജനങ്ങളെ മതം പറഞ്ഞ്​ വിഘടിപ്പിച്ച്​ വോട്ട്​ പിടിക്കാൻ നോക്കുന്നത്​ -മമത തുറന്നടിച്ചു.

ഇന്ന്​ ബംഗാളിൽ നടന്ന റാലിയിൽ മോദി മമതയെ കടന്നാക്രമിച്ചിരുന്നു. നിങ്ങൾ സ്​പീഡ്​ ബ്രേക്കർ ദീദിയെ വിശ്വസിച്ചു. പക്ഷെ അവർ നിങ്ങളെ വഞ്ചിച്ചു. അത്​ നിങ്ങളുടെ കുറ്റമല്ല. കാരണം പ്രധാനമന്ത്രിയാകുന്നതിന്​ മുമ്പ്​ ഞാനും അങ്ങനെയായിരുന്നു വിശ്വസിച്ചത്​. പിന്നീടാണ്​ അവരെ കുറിച്ച്​ കൂടുതൽ അറിഞ്ഞത്​. അത്​ എൻെറയും ഒരു പിഴവായിരുന്നു. ഇങ്ങനെയായിരുന്നു മോദിയുടെ പരിഹാസം.

ബംഗാളിൽ മുഖ്യമന്ത്രിയായതിന്​ ശേഷം ജനങ്ങൾക്ക്​ വേണ്ടി ഒന്നും ചെയ്​തില്ലെന്ന മോദിയുടെ ആരോപണങ്ങൾക്കും മമത പ്രതികരിച്ചു. അങ്ങനെയൊരു പരാതി ജനങ്ങൾക്കുണ്ടെങ്കിൽ അവർ അത്​ തന്നോട്​ നേരിട്ട്​ ചോദിച്ചുകൊള്ളുമെന്നായിരുന്നു മമതയുടെ മറുപടി. ബി.ജെ.പിക്ക്​ വോട്ട്​ നൽകാതെ രാജ്യത്തെ രക്ഷിക്കണമെന്നും മമത കൃഷ്​ണനഗറിലെ ജനങ്ങളോട്​ ആവശ്യപ്പെട്ടു.