ജി.എസ്​.ടിയെ എതിർക്കാൻ മോദിയും ജെയ്​റ്റ്​ലിയും യു.പി.എ ഭരണകാലത്ത്​ ഉയർത്തിയ വാദങ്ങൾ ശരിയായി -മമത

ന്യൂഡൽഹി: ഗുജറാത്ത്​ മുഖ്യമന്ത്രിയായിരുന്ന സമയത്ത്​ നരേന്ദ്ര മോദിയും പ്രതിപക്ഷത്തിരിക്കു​േമ്പാൾ അരുൺ ജെയ്​റ്റ്​ലിയും ജി.എസ്​.ടിയെ കുറിച്ച്​ പങ്കുവെച്ച ആശങ്കകൾ ഇപ്പോൾ ശരിയായിരിക്കുകയാണെന്ന്​ പശ്​ചിമ ബംഗാൾ മുഖ്യമന്ത്രി മമത ബാനർജി. ജി.എസ്​.ടി നഷ്​ടപരിഹാരവുമായി ബന്ധപ്പെട്ട ആശങ്കകളാണ്​ ഇപ്പോൾ യാഥാർഥ്യമാ​യതെന്ന്​ മമത പ്രധാനമന്ത്രിക്ക്​ അയച്ച കത്തിൽ വ്യക്​തമാക്കി.

മോദിയും ജെയ്​റ്റ്​ലിയും ജി.എസ്​.ടി ​നടപ്പാക്കുന്നതിന്​ എതിരായിരുന്നു. 2013 ഡിസംബറിൽ ഇതിനെ കുറിച്ച്​ ഇരുവരും പ്രസ്​താവന നടത്തിയിട്ടുണ്ട്​. സംസ്ഥാനങ്ങൾക്ക്​ നഷ്​ടപരിഹാരം നൽകുന്ന കാര്യത്തിൽ കേന്ദ്രം ഭരിക്കുന്ന യു.പി.എ സർക്കാറിനെ വിശ്വാസമില്ലെന്നായിരുന്നു മോദിയുടേയും ജെയ്​റ്റ്​ലിയുടേയും നിലപാടെന്നും മമത കത്തിൽ ചൂണ്ടിക്കാട്ടി. ഇപ്പോൾ ജി.എസ്​.ടിയിൽ കേന്ദ്രസർക്കാറിൽ വിശ്വാസം നഷ്​ടമാവു​േമ്പാൾ ജെയ്​റ്റ്​ലിയുടെ വാക്കുകളാണ്​ തൻെറ കാതുകളിൽ മുഴങ്ങുന്നതെന്നും മമത പറഞ്ഞു.

ജി.എസ്​.ടി നഷ്​ടപരിഹാരത്തിൽ കേന്ദ്ര സർക്കാർ നിലപാട്​ ഫെഡറലിസത്തിൻെറ അന്ത:സത്തയെ തന്നെ ലംഘിക്കുന്നതാണ്​. പുതിയ നികുതി സംവിധാനം നടപ്പിലായതോടെ സംസ്ഥാനങ്ങൾ അവരുടെ 70 ശതമാനം നികുതി വരുമാനവും കേന്ദ്രത്തിന്​ മുന്നിൽ അടിയറവുവെച്ചു. ജി.എസ്​.ടി നഷ്​ടം മറികടക്കാനായി കേന്ദ്ര സർക്കാർ അവതരിപ്പിച്ച വായ്​പ പദ്ധതികൾ സ്വീകാര്യമല്ല. അത്​ സംസ്ഥാനങ്ങൾക്ക്​ അധിക സാമ്പത്തിക ബാധ്യതയുണ്ടാകും. കേന്ദ്ര സർക്കാർ തന്നെ കടമെടുത്ത്​ ജി.എസ്​.ടി നഷ്​ടപരിഹാരം സംസ്ഥാനങ്ങൾക്ക്​ നൽകണമെന്നും അവർ ആവശ്യപ്പെട്ടു.

സംസ്ഥാനങ്ങൾക്ക്​ ജി.എസ്​.ടി നഷ്​ടപരിഹാരം നൽകാനാവില്ലെന്ന്​ കേന്ദ്ര സർക്കാർ നിലപാടെടുത്തിരുന്നു. ഇതിന്​ പകരമായി രണ്ട്​ വായ്​പ പദ്ധതികളാണ്​ അവതരിപ്പിച്ചത്​. എന്നാൽ, ബംഗാൾ ഉൾപ്പടെ ബി.ജെ.പി ഇതര സർക്കാറുകൾ ഭരിക്കുന്ന സംസ്ഥാനങ്ങളൊന്നും കേ​ന്ദ്രത്തിൻെറ പദ്ധതിയെ അംഗീകരിച്ചിട്ടില്ല.