മൂന്നാം മുന്നണി; ചന്ദ്രശേഖര റാവു-മമതാ കൂടിക്കാഴ്​ച

കൊൽക്കത്ത: 2019 തെരഞ്ഞെടുപ്പിൽ മൂന്നാം മുന്നണി യാഥാർഥ്യമാകുന്നതി​​​​​െൻറ തുടക്കമായി തെലങ്കാന മുഖ്യമന്ത്രി  ചന്ദ്രശേഖര റാവു - ബംഗാൾ മുഖ്യമന്ത്രി മമതാ ബാനർജി കൂടിക്കാഴ്​ച നടത്തി. കൊല്‍ക്കത്തയില്‍ ബംഗാള്‍ സെക്രട്ടേറിയറ്റിലാണ് ഇരുവരും തമ്മിലുള്ള കൂടിക്കാഴ്ച്ച നടന്നത്​.

ബി.ജെ.പിയും കോൺഗ്രസ്സുമല്ലാത്ത മൂന്നാം മുന്നണി രൂപീകരണം ലക്ഷ്യമിട്ടായിരുന്നു ടിആര്‍എസ് നേതാവും തൃണമുല്‍ കോണ്‍ഗ്രസ് നേതാവും ചർച്ച നടത്തിയത്​. ടി.ആര്‍.എസിന്‍റെ നേതൃത്വത്തില്‍ നടക്കുന്ന മുന്നണി രൂപീകരണനീക്കത്തിന് നേരത്തെ തന്നെ മമത പിന്തുണപ്രഖ്യാപിച്ചിരുന്നു.

ഇതൊരു നല്ല തുടക്കമാണ്​, ഇതിനായി മറ്റ് പാർട്ടികളെ കൂടി കാണും. രാജ്യത്തി​​​​​െൻറ വികസനത്തിന്​ വേണ്ടിയാണ്​ പുതിയ മുന്നണിയിലൂടെ ലക്ഷ്യമിടുന്നതെന്നും മമതാ ബാനർജി അഭിപ്രായപ്പെട്ടു. നമ്മുടേത്​ വലിയ മുന്നണിയായിരിക്കും രാജ്യത്തി​​​​​െൻറ നന്മക്കായി ഒരു രാഷ്​ട്രീയ മാറ്റം അത്യാവ​ശ്യമാണെന്നും ചന്ദ്രശേഖര റാവു അഭിപ്രായപ്പെട്ടു.