ബംഗാളിൽ മമതയെ തോൽപിക്കാൻ പുതിയ പാർട്ടിയുണ്ടാക്കി മുസ്​ലിം മതനേതാവ്​

കൊൽക്കത്ത: മമതയെ വീഴ്​ത്തി അധികാരം പിടിക്കാൻ ബി.ജെ.പി രണ്ടുംകൽപിച്ചിറങ്ങിയ പശ്​ചിമ ബംഗാളിൽ 'കാര്യങ്ങൾ എളുപ്പമാക്കി' മതനേതാവും ​പ്രമുഖ പള്ളി ഇമാമുമായ അബ്ബാസ്​ സിദ്ദീഖി. ഫുർഫുറ ശരീഫ്​ ഇമാമായ 34കാരൻ ഇന്ത്യൻ സെക്കുലർ ഫ്രണ്ട്​ (ഐ.എസ്​.എഫ്​) എന്ന പേരിലാണ്​ സംഘടന രൂപം നൽകിയത്​.

സംസ്​ഥാനത്തെ വിവിധ ജില്ലകളിൽ പ്രാതിനിധ്യമുള്ള 10 ഗോത്രവർഗ, ദളിത്​ സംഘടനകളുടെ പിന്തുണയോടെ രൂപംനൽകിയ ഐ.എസ്​.എഫ്​ ഹൈദരാബാദ്​ എം.പിയും വിവിധ സംസ്​ഥാനങ്ങളിൽ മുസ്​ലിം രാഷ്​ട്രീയത്തി​ന്​ സാധ്യത അ​േന്വഷിക്കുന്ന നേതാവുമായ അസദുദ്ദീൻ ഉവൈസിക്ക്​ പിന്തുണ നൽകും. രാജ്യം ഉറ്റുനോക്കുന്ന അടുത്ത നിയമസഭ തെരഞ്ഞെടുപ്പിൽ

70 സീറ്റുകളിൽ മത്സരിക്കും. മൊത്തം 294 സീറ്റുകളാണ്​ സംസ്​ഥാനത്തുള്ളത്​. മറ്റു കക്ഷികൾ കൂടി താൽപര്യം പ്രകടിപ്പിച്ചാൽ കൂടുതൽ സീറ്റുകളിൽ മത്സരിക്കുമെന്ന്​ സിദ്ദീഖി പറയുന്നു.

കോൺഗ്രസും കമ്യൂണിസ്​റ്റ്​ പാർട്ടിയും തകർച്ച 'പൂർത്തിയാക്കിയ' പശ്​ചിമ ബംഗാളിൽ അതിനിർണായകമാകുന്നതാണ്​ പുതിയ നീക്കം. മുസ്​ലിം ഭൂരിപക്ഷ മേഖലകളിൽ സംഘടന ജനഹിതം തേടുന്നത്​ മമതയുടെ സാധ്യതകളെ മങ്ങലേൽപിക്കും. ഇതുപക്ഷേ, മമതയും ത​െൻറ പാർട്ടിയും തള്ളിക്കളയുന്നു. ''ബംഗാളിലെ മുസ്​ലിംകൾക്ക്​ ​വേണ്ടി മമത ചെയ്​തത്​ വിസ്​മരിക്കാൻ അവർക്കാവില്ല. ഫുർഫുറ ശരീഫിനെതിരെ പറയാൻ ഞാൻ ആളല്ല. കാരണം ഞാൻ അവരുടെ ശിഷ്യനാണ്​. പക്ഷേ, മുസ്​ലിംകൾ ദീദിക്കു പിന്നിൽ പാറപോലെ ഉറച്ചുനിന്ന്​ ബി.ജെ.പിക്കെതിരെ പൊരുതും''- ത3ണമൂൽ നേതാവും ഓൾ ഇന്ത്യ മൈനോറിറ്റി ഫോറം ചെയർമാനുമായ ഇദ്​രീസ്​ അലി പറയുന്നു.

ഐ.എസ്​.എഫ്​ ഉവൈസിയുമായി ചേർന്ന്​ മത്സരിച്ചാൽ പുതിയ സീറ്റ്​ ഉറപ്പാക്കാനാവില്ലെകിലും മമതയുടെ വിജയ സാധ്യത കുറച്ചേക്കുമെന്നാണ്​ ആശക.

30 ശതമാനം മുസ്​ലിം വോട്ടർമാർ

ബംഗാളിൽ വോട്ടർമാരുടെ 30 ശതമാനവും മുസ്​ലിംകളാണ്​. 2011, 2016 തെരഞ്ഞെടുപ്പുകളിൽ മമതയുടെ വിജയത്തിൽ മുസ്​ലിം വോട്ട്​ നിർണായകവുമായിരുന്നു. ഇതിൽ വിള്ളൽ വീഴ്​ത്തുന്നതാകും ഫുർഫുറ ശരീഫ്​ ആസ്​ഥാന​ മേധാവിയുടെ പുതിയ നീക്കം.

ഐ.എസ്​.എഫും ഉവൈസിയും ചേർന്നുനിന്ന്​ മത്സരിക്കുന്നത്​ 30-40 സീറ്റുകളിൽ കാര്യങ്ങൾ മാറ്റിമറിക്കുമെന്നാണ്​ സൂചന. 24 പർഗാനാസ്​, സൗത്ത്​ 24 പർഗാനാസ്​, ഹൗഢ, ഈസ്​റ്റ്​ മിഡ്​നാപൂർ എന്നിവിടങ്ങളിലാണ്​ കാര്യമായ സ്വാധീനമുള്ളത്​. ഹൂഗ്​ളിയിൽ ഫുർഫുറ ശരീഫ്​ പരിസരത്തും സ്വാധീനമുണ്ട്​.