ജഡ്ജിയെ അധിക്ഷേപിച്ചു; മമത ബാനർജിക്ക് അഞ്ച് ലക്ഷം രൂപ പിഴ ചുമത്തി

കൊൽക്കത്ത: ബംഗാൾ മുഖ്യമന്ത്രി മമത ബാനർജിക്ക് കൽക്കട്ട ഹൈകോടതി അഞ്ച് ലക്ഷം രൂപ പിഴ വിധിച്ചു. ജഡ്ജിയെ അധിക്ഷേപിച്ചെന്നാണ് ആരോപണം. നന്ദിഗ്രാം സീറ്റിൽ മമതക്കെതിരെ മത്സരിച്ച് വിജയിച്ച സുവേന്ദു അധികാരിയുടെ തെരഞ്ഞെടുപ്പ് റദ്ദാക്കണമെന്നാവശ്യപ്പെട്ട് മമത ഹൈകോടതയിയിൽ ഹരജി നൽകിയിരുന്നു. കേസ് കേൾക്കുന്നതിൽ നിന്ന് ജസ്റ്റിസ് കൗശിക് ചന്ദയെ ഒഴിവാക്കണമെന്ന് മമത ആവശ്യപ്പെട്ടിരുന്നു. ഇതാണ് കോടതിയെ പ്രകോപിപ്പിച്ചത്.

ജസ്റ്റിസ് ചന്ദക്ക് ബി.ജെ.പി നേതാക്കളുമായി ബന്ധമുണ്ടെന്ന് മമതയുടെ അഭിഭാഷകൻ വാദിച്ചിരുന്നു. ജുഡിഷ്യറിയെ മോശമായി ചിത്രീകരിക്കുന്നതാണ് മമതയുടെ നടപടിയെന്ന് കോടതി നിരീക്ഷിച്ചു. അതിനാൽ മമതക്ക് അഞ്ച് ലക്ഷം രൂപ പിഴ വിധിക്കുകയാണെന്ന് ജസ്റ്റിസ് ചന്ദ പറഞ്ഞു.

തൃണമൂൽ കോൺഗ്രസ് പ്രവർത്തകർ തനിക്കെതിരെ സമൂഹ്യമാധ്യമങ്ങളിൽ പ്രചരണം നടത്തുകയാണെന്നും ജസ്റ്റിസ് ചൂണ്ടിക്കാട്ടി.

പ്രശ്നക്കാരുടെ കേസുകളിൽ ഇടപെടാൻ താൽപര്യമില്ലെന്നും കേസ് കേൾക്കുന്നതിൽ നിന്നും പിന്മാറുകയാണെന്നും ജസ്റ്റിസ് ചന്ദ അറിയിച്ചു.

സുവേന്ദുവുമായി തർക്കം; ബംഗാൾ യുവമോർച്ച നേതാവ്​ രാജിവെച്ചു

കൊ​ൽ​ക്ക​ത്ത: പ​ശ്ചി​മ ബം​ഗാ​ൾ നി​യ​മ​സ​ഭ പ്ര​തി​പ​ക്ഷ നേ​താ​വ്​ സു​വേ​ന്ദു അ​ധി​കാ​രി​യു​ടെ പ്ര​വ​ർ​ത്ത​ന​രീ​തി​യി​ൽ പ്ര​തി​ഷേ​ധി​ച്ച്​ ഭാ​ര​തീ​യ ജ​ന​ത യു​വ മോ​ർ​ച്ച നേ​താ​വ്​ സൗ​മി​ത്ര ഖാ​ൻ എം.​പി രാ​ജി​വെ​ച്ചു. രാ​ജി​ക്കു​പി​ന്നാ​ലെ അ​ധി​കാ​രി​ക്കെ​തി​രെ ഗു​രു​ത​ര ആ​രോ​പ​ണ​ങ്ങ​ൾ നി​ര​ത്തി ഖാ​ൻ ഫേ​സ്​​ബു​ക്കി​ൽ പോ​സ്​​റ്റി​ട്ടു. സം​സ്​​ഥാ​ന​ത്തെ ബി.​ജെ.​പി ​നേ​ട്ട​ങ്ങ​ൾ മു​ഴു​വ​ൻ സ്വ​ന്തം അ​ക്കൗ​ണ്ടി​ൽ പെ​ടു​ത്താ​ൻ അ​ധി​കാ​രി ശ്ര​മി​ക്കു​ക​യാ​ണെ​ന്നും കേ​ന്ദ്ര നേ​താ​ക്ക​ളെ തെ​റ്റി​ദ്ധ​രി​പ്പി​ക്കു​ക​യാ​ണെ​ന്നും സൗ​മി​ത്ര ആ​രോ​പി​ച്ചു.

സ്​​ഥാ​നം രാ​ജി​വെ​ച്ചെ​ങ്കി​ലും ബി.​ജെ.​പി​യി​ൽ ത​ന്നെ തു​ട​രും. സം​സ്​​ഥാ​ന​ത്തെ ഏ​റ്റ​വും വ​ലി​യ​ നേ​താ​വ്​ താ​നാ​ണെ​ന്നാ​ണ്​ അ​ദ്ദേ​ഹം ക​രു​തി​യി​രി​ക്കു​ന്ന​ത്​ -അ​ധി​കാ​രി​ക്കെ​തി​രെ വി​ഡി​യോ ​സ​ന്ദേ​ശ​ത്തി​ൽ ഖാ​ൻ പ​റ​ഞ്ഞു.