മല്ലികാർജുൻ ഖാർഗെ രാജ്യസഭ പ്രതിപക്ഷ നേതാവ്​

ന്യൂഡൽഹി: കോൺഗ്രസ്​ നേതാവ്​ മല്ലികാർജുൻ ഖാർഗെ രാജ്യസഭയിൽ പ്രതി​പ​ക്ഷ നേതാവും. ഗുലാം നബി ആസാദ്​ കാലാവധി പൂർത്തിയാക്കിയതിനെ തുടർന്നാണ്​ തീരുമാനം.

മല്ലികാർജുൻ ഖാർഗെയെ പ്രതിപക്ഷ നേതാവായി​ തെരഞ്ഞെടുത്ത വിവരം കോൺഗ്രസ്​ രാജ്യസഭ ചെയർമാനെ അറിയിച്ചു.

പി. ചിദംബരം, ആനന്ദ്​ ശർമ, ദിഗ്​വിജയ സിങ്​ ഉൾപ്പെടെയുള്ളവരുടെ പേരുകൾ പ്രതിപക്ഷ നേതാവായി പരിഗണിച്ചിരുന്നു. പിന്നീട്​ ഹൈക്കമാൻഡ്​ നേതൃത്വത്തിൽ ഖാർഗെയെ തെരഞ്ഞെടുക്കുകയായിരുന്നു.

ചൊവ്വാഴ്ച​ ഗുലാം നബി ആസാദിന്‍റെ കാലാവധി പൂർത്തിയാകും. പ്രധാനമന്ത്രി നരേന്ദ്രമോദി ഉൾപ്പെടെ ഗ​ുലാം നബി ആസാദി​ന്​ വികാര നിർഭരമായ യാത്രയയപ്പ്​ നൽകിയിരുന്നു.