നരേന്ദ്ര മോദിയുടെ സത്യപ്രതിജ്ഞ ചടങ്ങിലേക്ക് കോൺഗ്രസിന് ക്ഷണം

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ സത്യപ്രതിജ്ഞ ചടങ്ങിലേക്ക് കോൺഗ്രസിന് ക്ഷണം. കോൺഗ്രസ് അധ്യക്ഷൻ മല്ലികാർജുൻ ഖാർഗെക്കാണ് ക്ഷണം ലഭിച്ചത്. അതേസമയം, ഖാർഗെ ചടങ്ങിൽ പ​ങ്കെടുക്കുമോയെന്നതിൽ വ്യക്തതയില്ല. ഇൻഡ്യ സഖ്യത്തിൽ ചർച്ച ചെയ്തതിന് ശേഷമായിരിക്കും കോൺഗ്രസ് സത്യപ്രതിജ്ഞ ചടങ്ങിലേക്ക് പോകണോയെന്നതിൽ തീരുമാനമെടുക്കുക.

2019ൽ പ്രധാനമന്ത്രി നരേന്ദ്ര മോദി രണ്ടാമതും അധികാരമേറ്റെടുക്കുന്ന സമയത്ത് സോണിയ ഗാന്ധി, രാഹുൽ ഗാന്ധി മുൻ പ്രധാനമന്ത്രി മൻമോഹൻ സിങ്, ഗുലാം നബി ആസാദ് എന്നിവരെല്ലാം കോൺഗ്രസിനെ പ്രതിനിധീകരിച്ച് സത്യപ്രതിജ്ഞ ചടങ്ങിലേക്ക് എത്തിയിരുന്നു.

ന​രേ​ന്ദ്ര മോ​ദി​യു​ടെ നേ​തൃ​ത്വ​ത്തി​ലു​ള്ള മൂ​ന്നാം എ​ൻ.​ഡി.​എ സ​ർ​ക്കാ​ർ ഞാ​യ​റാ​ഴ്ച വൈ​കീ​ട്ട് 7.15ന് ​അ​ധി​കാ​ര​മേ​ൽ​ക്കും. 45 മി​നി​റ്റ് നീ​ണ്ടു​നി​ൽ​ക്കു​ന്ന ച​ട​ങ്ങി​ൽ നി​യു​ക്ത പ്ര​ധാ​ന​മ​ന്ത്രി​ക്കൊ​പ്പം 30ഓ​ളം മ​ന്ത്രി​മാ​രും സ​ത്യ​പ്ര​തി​ജ്ഞ ചെ​യ്തേ​ക്കും. പി​ന്നീ​ട് ന​ട​ക്കു​ന്ന മ​ന്ത്രി​സ​ഭ വി​ക​സ​ന​ത്തി​ലാ​യി​രി​ക്കും മ​റ്റു മ​ന്ത്രി​മാ​രു​ടെ സ​ത്യ​പ്ര​തി​ജ്ഞ​യെ​ന്ന് ബി.​ജെ.​പി കേ​ന്ദ്ര​ങ്ങ​ൾ അ​റി​യി​ച്ചു. പ്ര​ഥ​മ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു​വി​ന് ശേ​ഷം തു​ട​ർ​ച്ച​യാ​യി മൂ​ന്നാം​ത​വ​ണ പ്ര​ധാ​ന​മ​ന്ത്രി​യാ​കു​ന്ന മോ​ദി​യു​ടെ സ​ത്യ​പ്ര​തി​ജ്ഞ ച​ട​ങ്ങി​ൽ അ​യ​ൽ​രാ​ജ്യ​ങ്ങ​ളു​ടെ ഭ​ര​ണ​ത്ത​ല​വ​ന്മാ​ർ അ​ട​ക്ക​മു​ള്ള​വ​ർ മു​ഖ്യാ​തി​ഥി​ക​ളാ​യി എ​ത്തും.

240 എം.​പി​മാ​രു​ള്ള ബി.​ജെ.​പി​ക്ക് കേ​വ​ല ഭൂ​രി​പ​ക്ഷ​മി​ല്ലാ​ത്ത 18ാം ലോ​ക്സ​ഭ​യി​ൽ ഘ​ട​ക​ക​ക്ഷി എം.​പി​മാ​ര​ട​ക്കം 293 പേ​രു​ടെ പി​ന്തു​ണ​യി​ലാ​ണ് മോ​ദി അ​ധി​കാ​ര​മേ​ൽ​ക്കു​ന്ന​ത്. മു​ന്ന​ണി സ​ർ​ക്കാ​റി​ൽ ബി.​ജെ.​പി അ​ജ​ണ്ട​ക്ക് ത​ട​സ്സ​മാ​കു​ന്ന ത​ര​ത്തി​ൽ സ്പീ​ക്ക​ർ പ​ദ​വി​യും സു​പ്ര​ധാ​ന വ​കു​പ്പു​ക​ളും ഘ​ട​ക​ക​ക്ഷി​ക​ൾ​ക്ക് ന​ൽ​കി​ല്ലെ​ന്നാ​ണ് മോ​ദി​യും അ​മി​ത് ഷാ​യും കൈ​ക്കൊ​ണ്ട നി​ല​പാ​ട്.