മാലേഗാവ്​ സ്ഫോടനം: 'രാ​ജ്യ​ദ്രോ​ഹി​ക​ൾ' കേ​സ് അ​ട്ടി​മ​റി​ക്കാ​തി​രി​ക്കാ​ൻ രഹസ്യ വിചാരണ ആവശ്യപ്പെട്ട്​ പ്രതി

മും​ബൈ: ബി.​ജെ.​പി ഭോ​പാ​ൽ എം.​പി പ്ര​ജ്ഞ​സി​ങ്​​ ഠാ​കു​ർ പ്ര​തി​യാ​യ 2008ലെ ​മാ​ലേ​ഗാ​വ്​ സ്​​ഫോ​ട​ന കേ​സി​ന്‍റെ വി​ചാ​ര​ണ മാ​ധ്യ​മ​ങ്ങ​ൾ റി​പ്പോ​ർ​ട്ട്​ ചെ​യ്യു​ന്ന​ത്​ ത​ട​യ​ണ​മെ​ന്ന്​ ആ​വ​ശ്യ​പ്പെ​ട്ട്​ കേ​സി​ലെ മ​റ്റൊ​രു പ്ര​തി ല​ഫ്. കേ​ണ​ൽ പ്ര​സാ​ദ്​ പു​രോ​ഹി​ത്​ ഹ​ര​ജി ന​ൽ​കി.

ചൊ​വ്വാ​ഴ്​​ച പ്ര​ത്യേ​ക എ​ൻ.​ഐ.​എ കോ​ട​തി മു​മ്പാ​കെ​യാ​ണ്​ ഹ​ര​ജി ന​ൽ​കി​യ​ത്. മാ​ധ്യ​മ​ങ്ങ​ളി​ലെ 'ച​ർ​ച്ചാ നി​രീ​ക്ഷ​ക​രും രാ​ജ്യ​ദ്രോ​ഹി​ക​ളും' കേ​സി​നെ അ​ട്ടി​മ​റി​ക്കാ​തി​രി​ക്കാ​ൻ മാ​ധ്യ​മ​ങ്ങ​ളെ വി​ല​ക്കി വി​ചാ​ര​ണ അ​ട​ച്ചി​ട്ട മു​റി​യി​ലാ​ക്ക​ണ​മെ​ന്നാ​ണ്​ അ​പേ​ക്ഷ.

അ​പേ​ക്ഷ​യി​ൽ കോ​ട​തി, എ​ൻ.​ഐ.​എയുടെയും സ്​​ഫോ​ട​ന​ത്തി​ൽ മ​രി​ച്ച​യാ​ളു​ടെ പി​താ​വി​ന്‍റെയും​ മ​റു​പ​ടി തേ​ടി. നേ​ര​ത്തെ എ​ൻ.​ഐ.​എ​യും സ​മാ​ന ഹ​ര​ജി ന​ൽ​കി​യി​രു​ന്നു. അ​ന്ന്​ എ​ൻ.​ഐ.​എ വാ​ദ​ത്തെ എ​തി​ർ​ത്ത്​ മാ​ധ്യ​മ​സ്ഥാ​പ​ന​ങ്ങ​ളും കോ​ട​തി​യെ സ​മീ​പി​ച്ചി​രു​ന്നു.

ആരോഗ്യ പ്രശ്നങ്ങൾ ചൂണ്ടിക്കാട്ടി ഈ കേസിൽ ജാമ്യം നേടിയ പ്രജ്ഞ സിങ്​ താക്കൂർ ക്രിക്കറ്റ്​ കളിക്കുന്ന വിഡിയോ കഴിഞ്ഞ ദിവസം പുറത്ത് വന്നിരുന്നു​. മധ്യപ്രദേശിലെ ഭോപ്പാലിൽ പ്രജ്ഞ ക്രിക്കറ്റ്​ കളിക്കുന്നതും ആൾക്കൂട്ടം അത്​ പ്രോൽസാഹിപ്പിക്കുന്ന വിഡിയോയുമാണ്​ പുറത്ത്​ വന്നത്​.

ഒരു മിനിറ്റിൽ താഴെ മാത്രം ദൈർഘ്യമുള്ള വിഡിയോ ഭോപ്പാലിലെ ശക്​തിനഗർ ഏരിയയിൽ നിന്നായിരുന്നു​ ചിത്രീകരിച്ചത്​. ആരോഗ്യ പ്രശ്നങ്ങൾ ചൂണ്ടിക്കാട്ടി​ ജാമ്യം നേടിയ പ്രജ്ഞ പിന്നീട്​ നിരവധി തവണ ആരോഗ്യപ്രശ്നങ്ങൾ ചൂണ്ടിക്കാട്ടി അവർ കോടതിയിൽ ഹാജരായിരുന്നില്ല. ഇതിനെ അവർ ​ഡാൻസ് കളിക്കുന്ന വിഡിയോയും പുറത്ത്​ വന്നിരുന്നു.