Begin typing your search above and press return to search.
proflie-avatar
Login
exit_to_app
exit_to_app
യു.പിയിൽ കോവിഡ്​ സെന്‍ററായിരുന്ന സ്​കൂളിൽ അസ്​ഥികൂടം; കോവിഡ്​ രോഗിയുടേതാകാമെന്ന്​ അധികൃതർ
cancel
Homechevron_rightNewschevron_rightIndiachevron_rightയു.പിയിൽ കോവിഡ്​...

യു.പിയിൽ കോവിഡ്​ സെന്‍ററായിരുന്ന സ്​കൂളിൽ അസ്​ഥികൂടം; കോവിഡ്​ രോഗിയുടേതാകാമെന്ന്​ അധികൃതർ

text_fields
bookmark_border

ലഖ്​നോ: ഉത്തർ പ്രദേശിൽ കോവിഡ്​ നിരീക്ഷണ കേന്ദ്രമായിരുന്ന സ്​കൂളിലെ ക്ലാസ്​മുറിയിൽ അസ്​ഥികൂടം. വാരണാസിയിൽ കോവിഡ്​ 19 രോഗികളുടെ ചികിത്സ കേന്ദ്രമായിരുന്ന സ്​കൂളിൽനിന്നാണ്​ പുരുഷന്‍റെ അസ്​ഥികൂടം കണ്ടെത്തിയത്​.

സ്​കൂൾ അധികൃതർ ക്ലാസ്​മുറികൾ വൃത്തിയാക്കാൻ എത്തിയപ്പോഴാണ്​ സംഭവം പുറത്തറിയുന്നത്​. ലോക്​ഡൗണിന്​ ശേഷം സ്​കൂൾ തുറക്കുന്നതിന്‍റെ ഭാഗമായി ബുധനാഴ്ച വൃത്തിയാക്കാൻ എത്തിയതായിരുന്നു അധികൃതർ. ബെഞ്ചിനടിയിൽ നിലത്ത്​ കിടക്കുന്ന രീതിയിലായിരുന്നു അസ്​ഥികൂടം.

കോവിഡ്​ വ്യാപനത്തിന്‍റെ പശ്ചാത്തലത്തിൽ ജെ.പി മെഹ്​ത ഇന്‍റർ കോളജ്​ സർക്കാറിന്‍റെ കോവിഡ്​ നിരീക്ഷണ കേന്ദ്രമാക്കി മാറ്റിയിരുന്നു. പാവപ്പെട്ടവരും ഭിക്ഷക്കാരുമായിരുന്നു ഇവിടത്തെ ​അന്തേവാസികളിൽ കൂടുതലും.

സ്​കൂൾ അധികൃതർ വിവരം അറിയിച്ചതിനെ തുടർന്ന്​ പൊലീസെത്തി അന്വേഷണം ആരംഭിച്ചു. ഫോറൻസിക്​ സംഘവുമെത്തി സ്​ഥലത്ത്​ പരിശോധന നടത്തി. ക്ലാസ്​മുറിയിലെ അസ്​ഥികൂടത്തിന്‍റെ ചിത്രങ്ങൾ വൻതോതിൽ സമൂഹമാധ്യമങ്ങളിൽ പ്രചരിച്ചു.

കോവിഡ്​ ബാധിച്ച്​ ചികിത്സയിൽ കഴിഞ്ഞിരുന്നയാളുടെ അസ്​ഥികൂടമായിരിക്കാം ഇപ്പോൾ കണ്ടെത്തിയതെന്ന്​ സ്​കൂൾ മാനേജ്​മെന്‍റ്​ അറിയിച്ചു. ലോക്​ഡൗണിൽ അടച്ചിട്ടതിനെ തുടർന്ന്​ സ്​കൂളിൽ കാടും മറ്റും വളർന്നിരുന്നു. പൊടിയും രൂക്ഷമായിരുന്നു. കോവിഡ്​ സെന്‍റർ മാറ്റിയതിന്​ ശേഷവും ശുചീകരിച്ചിരുന്നി​ല്ല. വൃത്തിയാക്കാനായി തുറന്ന ക്ലാസ്​മുറിയിലാണ്​ മൃതദേഹം കണ്ടെത്തിയതെന്ന്​ പ്രിൻസിപ്പൽ പറഞ്ഞു.

വളരെ പഴക്കം ചെന്ന മൃതദേഹമായതിനാൽ തിരിച്ചറിയാൻ പ്രയാസമാണെന്നും ആവശ്യമെങ്കിൽ ഡി.എൻ.എ പരിശോധന നടത്തുമെന്നും പൊലീസ്​ ഇൻസ്​പെക്​ടർ രാകേഷ്​ കുമാർ സിങ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:skeletoncovid centreUttar Pradesh
News Summary - Male skeleton found at school in Uttar Pradesh
Next Story