ബംഗളൂരുവിൽ അജ്​ഞാത സംഘത്തി​െൻറ കുത്തേറ്റ്​ മലയാളി യുവാവ്​ മരിച്ചു

ബംഗളൂരു: നഗര​േകന്ദ്രമായ മെജസ്​റ്റിക്കിൽ ബൈക്കിലെത്തിയ ​അജ്​ഞാതസംഘത്തി​​​െൻറ കുത്തേറ്റ്​ മലയാളി യുവാവ്​ മരിച്ചു. ചേർത്തല എരമല്ലൂർ എഴുപുന്ന ഒമ്പതാം വാർഡിലെ ഗായത്രിഭവനിൽ ഗോപകുമാർ-ജയ ദമ്പതികളുടെ മകൻ ഗൗതം കൃഷ്​ണയാണ് (18)​ മരിച്ചത്​. വെള്ളിയാഴ്​ച അർധരാത്രി 12ഒാടെ മെജസ്​റ്റിക്​ മൈസൂർ ബാങ്ക്​ സർക്കിളിന്​ സമീപത്തെ നടപ്പാതയിലാണ്​ സംഭവം. ഉപ്പാർപേട്ട്​ പൊലീസ്​ കേസെടുത്തു.

നടപ്പാതയിൽ സെൽഫിയെടുക്കുന്നതിനിടെ സ്​കൂട്ടറിലെത്തിയ മൂന്നംഗ സംഘം പ്രകോപനമൊന്നുമില്ലാതെ ആക്രമിക്കുകയായിരുന്നുവെന്നാണ്​ ഒപ്പമുണ്ടായിരുന്ന സുഹൃത്തും നാട്ടുകാരനുമായ വൈശാഖ്​ നൽകിയ മൊഴി. കന്നട അറിയുമോ എന്നു ചോദിച്ചെത്തിയ അക്രമിസംഘത്തോട്​ ഗൗതം കന്നട അറിയില്ലെന്ന്​ ഇംഗ്ലീഷിൽ മറുപടി പറഞ്ഞത്രെ. കന്നടയിൽ മറുപടി പറയാൻ സംഘം ആവശ്യപ്പെട്ടതോടെ ഗൗതം നടന്നുനീങ്ങി. ഇതോടെ സ്​കൂട്ടറിൽനിന്നിറങ്ങിയ അക്രമികളിലൊരാൾ ​ൈവശാഖിനെ തള്ളിമാറ്റി ഗൗതമിനെ കത്തികൊണ്ട്​ നെഞ്ചിൽ കുത്തുകയും വരയുകയും ചെയ്​തതായി പരാതിയിൽ പറയുന്നു. കുത്തേറ്റ ഗൗതമിനെ വിക്​ടോറിയ ഗവ. ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

ഗൗതം കൃഷ്​ണയും വൈശാഖും ബംഗളൂരുവിൽ കൊറിയർ പാർസൽ കമ്പനിയിലെ ജീവനക്കാരാണ്​. മുമ്പ്​ എറണാകുളത്ത്​ മൊബൈൽ കടയിൽ ജീവനക്കാരനായിരുന്നു ഗൗതം. 10 ദിവസം മുമ്പ്​ കൊറിയർ കമ്പനിയിൽ ജോലിക്ക്​ ചേർന്ന വൈശാഖ്​​ ഗൗതമിനും ത​​​െൻറ സ്​ഥാപനത്തിൽ ജോലി ശരിയാക്കി നൽകുകയായിരുന്നു​. ബുധനാഴ്​ചയാണ്​ ഗൗതം ജോലിക്ക്​ ചേർന്നത്​. വെള്ളിയാഴ്​ച ജോലി നേരത്തേ കഴിഞ്ഞതിനാൽ ഭക്ഷണം കഴിച്ചശേഷം ഇരുവരും നടക്കാനിറങ്ങിയപ്പോഴായിരുന്നു ആക്രമണം. അക്രമികളെക്കുറിച്ച്​ പൊലീസിന്​ വിവരമൊന്നും ലഭിച്ചിട്ടില്ല.

രാത്രികാലങ്ങളിൽ മെജസ്​റ്റിക്​ മേഖലയിൽ കവർച്ച പതിവാണെങ്കിലും ഇവരുടെ പക്കൽനിന്ന്​ മൊ​ൈബൽഫോണും പണവും അക്രമികൾ ​ൈകവശപ്പെടുത്തിയിട്ടില്ല. മയക്കുമരുന്ന്​ ഉപയോഗിക്കുന്ന സംഘമാവാം കൊലപാതകത്തിന്​ പിന്നിലെന്ന സംശയത്തിലാണ്​ പൊലീസ്​. ചിക്ക്​പേട്ട്​ എ.സി.പി മഹാറെഡ്​ഡിയുടെ നേതൃത്വത്തിലുള്ള പൊലീസ്​ സംഘമാണ്​ കേസ്​​ അന്വേഷിക്കുന്നത്​. വിക്​ടോറിയ ഗവ. ആശുപത്രിയിൽ സൂക്ഷിച്ച മൃതദേഹം പോസ്​റ്റ്​മോർട്ടം നടപടികൾക്കു​ ശേഷം നാട്ടിലേക്ക്​ കൊണ്ടുപോവും. ഗായത്രിയാണ്​ മരിച്ച ഗൗതം കൃഷ്​ണയുടെ ഏക സഹോദരി.