ഡൽഹിയി​ൽ മലയാളി നഴ്​സിൻെറ കുഞ്ഞിനും കോവിഡ്​

ന്യൂഡൽഹി: ഡൽഹിയിൽ കോവിഡ്​ സ്​ഥിരീകരിച്ച മലയാളിയായ നഴ്​സിൻെറ കുഞ്ഞിനും കോവിഡ്​. ഡൽഹി കാൻസർ ഇൻസ്​റ്റിറ്റ്യൂ ട്ടിലെ മലയാളി നഴ്​സിൻെറ രണ്ടുവയസായ കുഞ്ഞിനാണ്​ കോവിഡ്​ സ്​ഥിരീകരിച്ചത്​. രണ്ടുപേരുടെയും ആരോഗ്യ സ്​ഥിതിയി ൽ ആശങ്കയില്ലെന്ന്​ അധികൃതർ അറിയിച്ചു.

എൽ.എൻ.ജെ.പി ആശുപത്രിയിൽ ചികിത്സയിലുള്ള നഴ്​സ്​ എട്ടുമാസം ഗർഭിണിയാണ ്​. കുഞ്ഞിന്​ പ്രത്യേക രോഗലക്ഷണങ്ങളൊന്നും ഇല്ലായിരുന്നെങ്കിലും സംശയത്തെ തുടർന്ന്​ സ്രവം പരിശോധനക്ക്​ അയക്കുകയായിരുന്നു. ഇന്നലെ വൈകി​ട്ടോടെയാണ്​ പരിശോധന ഫലം ലഭിച്ചത്​.

ഡൽഹി കാൻസർ ഇൻസ്​റ്റിറ്റ്യൂട്ടിലെ 23 ആരോഗ്യ പ്രവർത്തകർക്കാണ്​ കോവിഡ്​ സ്​ഥിരീകരിച്ചത്​. കൂടാതെ ഇവരിൽനിന്നും മറ്റു ആറുപേർക്കുകൂടി രോഗബാധ പകർന്നിട്ടുണ്ട്​. കോവിഡ്​ ബാധ കൂടുതൽ പേരിലേക്ക്​ പടർന്ന സാഹചര്യത്തിൽ ഏപ്രിൽ ഒന്നുമുതൽ ആശുപത്രി അടച്ചിട്ടിരിക്കുകയാണ്​.