Begin typing your search above and press return to search.
exit_to_app
exit_to_app
Arunachalam and Prakash Javadekar
cancel
Homechevron_rightNewschevron_rightIndiachevron_rightതമിഴ്​നാട്ടിലും...

തമിഴ്​നാട്ടിലും ബി.ജെ.പിയുടെ 'ചാക്കിട്ടുപിടുത്തം'; കമൽ ഹാസന്‍റെ മക്കൾ നീതി മയ്യം നേതാവ്​ ബി.ജെ.പിയിൽ

text_fields
bookmark_border

​​ചെന്നൈ: നിയമസഭ തെരഞ്ഞെടുപ്പ്​ നടക്കാനിരിക്കെ പശ്ചിമ ബംഗാളിന്​ പുറമെ തമിഴ്​നാട്ടിലും മറ്റു പാർട്ടി നേതാക്കളെ 'വലയിലാക്കി' ബി.ജെ.പി. തെന്നിന്ത്യൻ താരം കമൽ ഹാസന്‍റെ മക്കൾ നീതി മയ്യം നേതാവ്​ എ. അരുണാചലം ബി.ജെ.പിയിൽ ചേർന്നു.

കമൽ ഹാസന്‍റെ പാർട്ടി നേരിടുന്ന പുതിയ പ്രതിസന്ധിയാകും ഇത്​. അടുത്തവർഷം നടക്കാനിരിക്കുന്ന തെരഞ്ഞെടുപ്പ്​ മുന്നിൽ കണ്ടാണ്​ ബി.ജെ.പിയുടെ നീക്കം.

കേന്ദ്രമന്ത്രിയും ബി.ജെ.പി നേതാവുമായ പ്രകാശ്​ ജാവ്​ദേക്കറിന്‍റെ സാന്നിധ്യത്തിലായിരുന്നു അരുണാചലത്തിന്‍റെ ബി.ജെ.പി പ്രവേശനം. അടുത്തവർഷം ഏപ്രിൽ -മേയ്​ മാസങ്ങളിലാണ്​ തമിഴ്​നാട്​ തെരഞ്ഞെടുപ്പ്​.

സംസ്​ഥാനത്ത്​ തെരഞ്ഞെടുപ്പ്​ ചൂട്​ കൊടുംപിരി കൊണ്ടതോടെ മക്കൾ നീതി മയ്യം തെരഞ്ഞെടുപ്പിൽ പ്രധാന സാന്നിധ്യമാകുമെന്ന്​ കമൽ ഹാസൻ വ്യക്തമാക്കിയിരുന്നു. കൂടാതെ ബിഹാർ നിയമസഭ തെരഞ്ഞെടുപ്പിൽ കരുത്തുതെളിയിച്ച അസദുദ്ദീൻ ഉവൈസിയുടെ എ.​െഎ.എം.ഐ.എം പാർട്ടിയുമായി സംഖ്യമുണ്ടാക്കി മക്കൾ നീതി മയ്യം തെരഞ്ഞെടുപ്പിനിറങ്ങുമെന്ന റിപ്പോർട്ടുകളും പുറത്തുവന്നിരുന്നു.

അതേസമയം മറ്റുസംസ്​ഥാനങ്ങളിൽ പയറ്റിതെളിഞ്ഞ അടവുമായി തമിഴ്​നാട്ടിലേക്കും ബി.ജെ.പിയെത്തി. ബംഗാളിൽ മുഖ്യമന്ത്രി മമത ബാനർജിയുടെ തൃണമൂൽ കോൺഗ്രസിൽനിന്ന്​ മന്ത്രിമാർ ഉൾപ്പെടെ നിരവധി നേതാക്കൾ കൊഴിഞ്ഞുപോകുകയും ബി.ജെ.പിയിൽ ചേരുകയും ചെയ്​തു. കൂടുതൽ പേർ തൃണമൂൽ വിട്ട്​ ബി.ജെ.പി പാളയത്തിലെത്തുമെന്നാണ്​ വിവരം.

Show Full Article
TAGS:Makkal Needhi Maiam A. Arunachalam BJP Kamal Haasan Prakash Javadekar 
News Summary - Makkal Needhi Maiam leader Arunachalam joins BJP
Next Story