Begin typing your search above and press return to search.
proflie-avatar
Login
exit_to_app
exit_to_app
Rakesh Tikait
cancel
Homechevron_rightNewschevron_rightIndiachevron_rightബംഗളൂരുവിനെ ഡൽഹിയാക്കി...

ബംഗളൂരുവിനെ ഡൽഹിയാക്കി പ്രക്ഷോഭം തുടരണം, ഇല്ലെങ്കിൽ രാജ്യം തന്നെ വിൽക്കും -രാകേഷ്​ ടികായത്ത്

text_fields
bookmark_border

ബംഗളൂരു: പൊതുമേഖല സ്​ഥാപനങ്ങൾ സ്വകാര്യവൽക്കരി​ക്കുന്നതിനെതിരെ നരേന്ദ്രമോദി സർക്കാറിനെ വിമർശിച്ച്​ കർഷക നേതാവ്​ രാകേഷ്​ ടികായത്ത്​. കർണാടകയിലെ കർഷക​േരാട്​ പ്രക്ഷോഭത്തിൽ അണിചേരാനും അദ്ദേഹം ആവശ്യപ്പെട്ടു. കർണാടകയിലെ ശിവമോഗയിൽ നടന്ന കർഷകരുടെ യോഗത്തിലാണ്​ ​ടികായത്തിന്‍റെ ആഹ്വാനം.

ലക്ഷകണക്കിന്​ ആളുകൾ ഡൽഹിയി​ൽ തമ്പടിച്ചിരിക്കുകയാണ്​. നാളുകളായി ഈ പ്രക്ഷോഭം തുടരുന്നു. വിവാദ കാർഷിക നിയമങ്ങൾ പിൻവലിക്കുന്നതിനും വിളകൾക്ക്​ അടിസ്​ഥാന താങ്ങുവില ഉറപ്പാക്കുന്നതിനും എല്ലാ നഗരങ്ങളിലും ഇത്തരം സമരങ്ങൾ ന​ടത്തേണ്ട ആവശ്യമുണ്ടെന്നും രാകേഷ്​ ടിക്കായത്ത്​ പറഞ്ഞു.

ജനങ്ങൾ കർണാടകയിലും പ്രക്ഷോഭം ആരംഭിക്കണം. നിങ്ങളുടെ ഭൂമി തട്ടിയെടുക്കാൻ അവർ തന്ത്രം മെനയുകയാണ്​. വലിയ കമ്പനികൾ കൃഷി ചെയ്യും. തൊഴിൽ നിയമങ്ങളിൽ ഭേദഗതി വരുത്തി കുറഞ്ഞ കൂലിക്ക്​ തൊഴിൽ ചെയ്യാൻ നിർബന്ധിക്കും -അദ്ദേഹം കൂട്ടിച്ചേർത്തു.

നിങ്ങൾ ബംഗളു​രുവിനെ ഡൽഹിയാക്കണം, എല്ലാ വശത്തുനിന്നും ആളുകൾ ഇവിടേക്കെത്തണം. കർഷകരുടെ വിളകൾ എവിടെവേണമെങ്കിലും വിൽക്കാമെന്നാണ്​ ​പ്രധാനമന്ത്രി പറഞ്ഞത്​. നിങ്ങളുടെ വിളകളുമായി ജില്ല കലക്​ടറുടെയോ എസ്​.ഡി.എമ്മിന്‍റെയോ ഓഫിസിലേക്ക്​ ചെല്ലുക. പൊലീസ്​ തടഞ്ഞാൽ അടിസ്​ഥാന താങ്ങുവില നൽകി വിളകൾ വാങ്ങാൻ പറയണം -രാകേഷ്​ ടികായത്ത്​ പറഞ്ഞു.

ഈ പ്രക്ഷോഭം തുടർന്നില്ലെങ്കിൽ ചില​േപ്പാൾ രാജ്യംതന്നെ വിൽക്കപ്പെടും. അടുത്ത 20 വർഷത്തിനുള്ളിൽ നിങ്ങളുടെ ഭൂമി നഷ്​ടമാകും. ഏകദേശം 26ഓളം പ്രധാന പൊതു മേഖല സ്​ഥാപനങ്ങൾ സ്വകാര്യവൽക്കരിച്ചു. ഈ വിൽപ്പന അവസാനിപ്പിക്കാൻ നമ്മൾ പ്രതിജ്ഞയെടുക്കണം' -അ​ദ്ദേഹം കൂട്ടിച്ചേർത്തു.

2020 നവംബർ മുതൽ രാജ്യത്തിന്‍റെ വിവിധ ഭാഗങ്ങളിലുള്ള കർഷകർ തലസ്​ഥാന നഗരമായ ഡൽഹി അതിർത്തികളിൽ പ്രതിഷേധം തുടരുകയാണ്​. കാർഷിക നിയമങ്ങൾ പിൻവലിക്കണമെന്നും വിളകൾക്ക്​ അടിസ്​ഥാന താങ്ങുവില ഉറപ്പാക്കണമെന്നുമാണ്​ ആവശ്യം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Rakesh TikaitFarm Laws
News Summary - Make Delhi in Bengaluru then the country will be sold Rakesh Tikait
Next Story