Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമുംബൈയിൽ വൈദ്യുതി...

മുംബൈയിൽ വൈദ്യുതി തടസം; ലോക്കൽ ട്രെയിൻ സർവീസുകൾ​ ഭാഗികമായി നിർത്തി

text_fields
bookmark_border
മുംബൈയിൽ വൈദ്യുതി തടസം; ലോക്കൽ ട്രെയിൻ സർവീസുകൾ​ ഭാഗികമായി നിർത്തി
cancel

മുംബൈ: മുംബൈയുടെ വിവിധ ഭാഗങ്ങളിൽ വൈദ്യുതി തടസപ്പെട്ടു. തിങ്കളാഴ്​ച രാവിലെ 10 മണി മുതലാണ്​ വൈദ്യുതി തടസമുണ്ടായത്​. നഗരത്തിലെ ദക്ഷിണ, വടക്കൻ, മധ്യമേഖലകളിൽ വൈദ്യുതി വിതരണം നടത്തുന്ന ഗ്രിഡിലുണ്ടായ തകരാറാണ്​ പ്രശ്​നത്തിന്​ കാരണമെന്ന്​ ബ്രിഹാൻമുംബൈ ഇലക്​ട്രിക്​ സപ്ലൈ ആൻഡ്​ ട്രാൻസ്​പോർട്ട്​ ഇലക്​ട്രിസിറ്റി ട്വിറ്ററിൽ അറിയിച്ചു.

ഒരു മണിക്കൂറിനകം വൈദ്യുതി വിതരണം പുനഃസ്ഥാപിക്കുമെന്ന്​ മഹാരാഷ്​ട്ര ഊർജ മന്ത്രി നിഥിൻ റാവത്ത്​ അറിയിച്ചു.വൈദ്യുതി വിതരണം തടസപ്പെട്ടതിനെ തുടർന്ന്​ ചർച്ച്​ഗേറ്റ്​-വാസി റെയിൽവേ സ്​റ്റേഷൻ, ചർച്ച്​ ഗേറ്റ്​-ബോറിവാലി എന്നിവക്കിടയിലെ ​ലോക്കൽ ട്രെയിൻ സർവീസ്​ നിർത്തിവെച്ചു. വൈദ്യുതി ബന്ധം പുനഃസ്ഥാപിച്ചാലുടൻ ട്രെയിൻ സർവീസ്​ തുടങ്ങുമെന്നും ജനങ്ങൾ സഹകരിക്കണമെന്നും റെയിൽവേ അഭ്യർഥിച്ചു.

അതേസമയം, നാഷണൽ സ്​റ്റോക്​ എക്​സ്​ചേഞ്ചും ബോംബെ സ്​റ്റോക്​ എക്​സ്​ചേഞ്ചും തടസമില്ലാതെ പ്രവർത്തിക്കുന്നുണ്ട്​. അടിയന്തര ആവശ്യങ്ങൾക്കായി വൈദ്യുതി തടസപ്പെട്ട മേഖലകളിൽ 385 മെഗാവാട്ടി​െൻറ വിതരണം ആരംഭിച്ചിട്ടു​ണ്ടെന്ന്​ അദാനി ഇലക്​ട്രിസിറ്റി മുംബൈ ലിമിറ്റഡ്​ അറിയിച്ചു. വൈദ്യുതി ബന്ധം പുനഃസ്ഥാപിക്കാനുള്ള ശ്രമങ്ങൾ തുടരുകയാണെന്നും കമ്പനി ട്വീറ്റ്​ ചെയ്​തു.

Show Full Article
TAGS:Power Outage mumbai Electric Supply Failure 
Web Title - Major Power Outage In Mumbai Due To "Incoming Electric Supply Failure"
Next Story