Begin typing your search above and press return to search.
proflie-avatar
Login
exit_to_app
exit_to_app
Mayur Shelkhe and Anand Mahindra
cancel
Homechevron_rightNewschevron_rightIndiachevron_rightജീവൻ വകവെക്കാതെ...

ജീവൻ വകവെക്കാതെ കുട്ടിയെ രക്ഷിച്ച മയൂർ ഷെൽക്കെക്ക്​ ജാവയുടെ സമ്മാനം

text_fields
bookmark_border

ന്യൂഡൽഹി: റെയിൽവേ പ്ലാറ്റ്​ഫോമിൽ വീണ കുട്ടിയെ അതിസാഹസികമായി രക്ഷപ്പെടുത്തിയ റെയിൽവെ ജീവനക്കാരനായ മയൂർ ശഖറാം ഷെൽക്കെക്ക്​ മഹീന്ദ്ര കുടുംബത്തിന്‍റെ സമ്മാനം. മയൂർ ശഖറാം ഷെൽക്കെക്ക്​ ജാവ ബൈക്ക്​ സമ്മാനമായി നൽകനാണ്​ തീരുമാനം. ജാവ മോട്ടോർസൈക്കിളിലെ സംരംഭകനും സംവിധായകനുമായ അനുപം തരേജയാണ്​ ഇക്കാര്യം അറിയിച്ചത്​. ഷെൽക്കെയുടെ പരിശ്രമത്തെയും നിസ്വാർത്ഥമായ ധൈര്യത്തെയും പ്രശംസിച്ച തരേജ ജാവ ഹീറോസ് സംരംഭത്തിൽ ഉൾപ്പെടുത്തി മയൂർ ഷെൽക്കക്ക് പുതിയ ജാവ മോട്ടോർസൈക്കിൾ നൽകുമെന്ന്​ പറഞ്ഞു.


മഹീന്ദ്ര ചെയർമാൻ ആനന്ദ്​ മഹീന്ദ്രയും അനുപം തരേജയുടെ ട്വീറ്റ്​ പങ്കുവച്ചിട്ടുണ്ട്​. മയൂർ ഷെൽക്കെക്ക്​ പ്രത്യേക വസ്​ത്രമോ തൊപ്പിയോ ഇല്ലായിരുന്നു. ധീരൻമാരായ സൂപ്പർഹീറോ സിനിമകളെക്കാൾ ധൈര്യം പക്ഷേ അയാൾ കാണിച്ചു. ജാവ കുടുംബം മുഴുവൻ നിങ്ങളെ സല്യൂട്ട്​ ചെയ്യുന്നുവെന്നും ആനന്ദ്​ മ​ഹീന്ദ്ര ട്വീറ്റ്​ ചെയ്​തു. മഹീന്ദ്രയുടെകൂടി പങ്കാളിത്തത്തോടെ പ്രവർത്തിക്കുന്ന ക്ലാസിക്​ ലെജൻഡ്​സ്​ എന്ന കമ്പനിയാണ്​ ജാവ മോ​ട്ടോർ സൈക്കിളുകൾ നിർമിക്കുന്നത്​.


ഷെൽക്കയുടെ ധീരപ്രവർത്തിയിൽ നിരവധി പേരാണ്​ ​അഭിനന്ദനവും സമ്മാനവുമായി എത്തിയത്​. റെയിൽവെ മന്ത്രി പീയുഷ്​​ ഗോയൽ അദ്ദേഹത്തെ ഫോണിൽ വിളിച്ച്​ അഭിനന്ദനമറിയിച്ചിരുന്നു.

റെയിൽവെ പ്ലാറ്റ്​ഫോമിലൂടെ അമ്മയും കുട്ടിയും നടന്നു പോകു​ന്നതിനിടെ കുട്ടി കാൽ തെറ്റി ട്രാക്കിലേക്ക്​ വീണുപോകുകയായിരുന്നു. കുതിച്ചു വരുന്ന എക്​സ്​പ്രസ്​ ട്രെയിൻ, അലമുറയിട്ട്​ കരയുന്ന അമ്മക്കു മുന്നിലേക്ക്​ എവിടെ നിന്നോ ഒരു ദൈവദൂതനെപ്പോലെ ഷെൽക്കെ ഓടി വരുകയും ട്രെയിനിന്‍റെ ഏതാനും വാര അകലെ വച്ച്​ കുട്ടിയെ ട്രാക്കിൽ നിന്ന്​ കോരിയെട​ുത്ത്​ പ്ലാറ്റ്​ഫോമിലേക്ക്​ വെച്ച ശേഷം കയറി രക്ഷപ്പെടുന്ന വിഡിയോ വൈറലായിരുന്നു.

ബാംഗ്ലൂർ-മു​ംബൈ ഉദ്യാൻ എക്​സ്​പ്രസിന്​ ഫ്ലാഗ്​ ഓഫ്​ ചെയ്യാനിരിക്കെയാണ്​ പോയിന്‍റ്​സ്​മാനായ മയൂർ ഷെൽക്കെ കുട്ടി റെയിൽവെ ട്രാക്കിലേക്ക്​ വീഴുന്നത്​ കണ്ടത്​. കുട്ടി ട്രാക്കിലേക്ക്​ വീണതോടെ താൻ ഭയന്നു പോയെതന്ന്​ അന്ധയായ മാതാവ്​ സംഗീത പറഞ്ഞു.

താൻ തന്‍റെ ജോലി മാത്രമാണ്​ ചെയ്​തതെന്നായിരുന്നു​ ഇതേക്കുറിച്ച്​ 30കാരനായ ഷെൽക്കയുടെ പ്രതികരണം. പുണെക്കടുത്താണ്​ മയൂർ ഷെൽക്കെയുടെ സ്വദേശം. 2016 മാർച്ചിൽ റെയിൽ​െവയിൽ ജോലിയിൽ പ്രവേശിച്ചത്​. ബിരുദധാരിയായ മയൂർ എട്ട്​ മാസത്തോളമായി വംഗാനി സ്​റ്റേഷനിലാണ്​ ജോലി ചെയ്യുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:railwayAnand Mahindraviral videoMahindra Tharmayur shelke
News Summary - Mahindra Group and Jawa Motorcycles reward Mayur Shelkhe for saving a child
Next Story