കോവിഡ്​ രോഗികളുടെ പ്രതിദിന വർധന വീണ്ടും 60,000 കടന്നു; മഹാരാഷ്​ട്രയിൽ സ്ഥിതി അതിരൂക്ഷം

മുംബൈ: മഹാരാഷ്​ട്രയിൽ കോവിഡ്​ വ്യാപനം അതിരൂക്ഷമായി തുടരുന്നു. 61,695 പേർക്കാണ്​ കഴിഞ്ഞ 24 മണിക്കൂറിനിടെ രോഗം ബാധിച്ചത്​. 349 പേർ കോവിഡ്​ ബാധിച്ച്​ മരിക്കുകയും ചെയ്​തു. മുംബൈയിൽ മാത്രം 8,209 പേർക്ക്​ രോഗം ബാധിച്ചു.

ഏപ്രിൽ 11ന്​ 63,000 പേർക്കാണ്​ രോഗം ബാധിച്ചത്​. കഴിഞ്ഞ 24 മണിക്കൂറിനിടെ 2,34,452 സാമ്പിളുകളാണ്​ പരിശോധിച്ചത്​. 26.3 ശതമാനമാണ്​ ടെസ്റ്റ്​ പോസിറ്റിവിറ്റി നിരക്ക്​. 6,20,060 പേരാണ്​ നിലവിൽ മഹാരാഷ്​ട്രയിൽ കോവിഡ്​ ബാധിച്ച്​ ചികിത്സയിലുള്ളത്​.

ഏപ്രിൽ 30നകം 11 ലക്ഷം കോവിഡ്​ രോഗികളെങ്കിലും മഹാരാഷ്​ട്രയിലുണ്ടാവുമെന്നാണ്​ കണക്കാക്കുന്നത്​. രോഗബാധ പിടിച്ചു നിർത്താൻ മഹാരാഷ്​ട്രയുടെ പല ഇടങ്ങളിലും നിരോധനാജ്ഞ പ്രഖ്യാപിച്ചിരുന്നു.