Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'വാക്​സിനേഷൻ...

'വാക്​സിനേഷൻ സർട്ടിഫിക്കറ്റിലേത്​ പോലെ മരണ സർട്ടിഫിക്കറ്റിലും മോദിയുടെ ഫോ​ട്ടോ വെക്കണം'-മഹാരാഷ്​ട്ര മന്ത്രി

text_fields
bookmark_border
വാക്​സിനേഷൻ സർട്ടിഫിക്കറ്റിലേത്​ പോലെ മരണ സർട്ടിഫിക്കറ്റിലും മോദിയുടെ ഫോ​ട്ടോ വെക്കണം-മഹാരാഷ്​ട്ര മന്ത്രി
cancel

മുംബൈ: രാജ്യത്ത്​ കോവിഡ്​ രോഗബാധിതരും മരണനിരക്കും കുത്തനെ കൂടുന്ന സാഹചര്യത്തിൽ പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമർശനവുമായി മഹാരാഷ്​ട്ര മന്ത്രിയും എൻ.സി.പി നേതാവുമായ നവാബ്​ മാലിക്​. ​

കോവിഡ്​ വാക്​സിന്‍റെ ക്രെഡിറ്റ്​ എടുക്കാൻ മോദിക്ക്​ പറ്റുമെങ്കിൽ കോവിഡ്​ മരണങ്ങളുടെ ഉത്തരവാദിത്വവും ഏറ്റെടുക്കണമെന്ന്​ അദ്ദേഹം പറഞ്ഞു.

'കോവിഡ്​ വാക്​സിനേഷൻ സർട്ടിഫിക്കറ്റിൽ ഫോ​ട്ടോ പതിപ്പിച്ച പോലെ തന്നെ മരണ സർട്ടിഫിക്കറ്റിലും പ്രധാനമന്ത്രിയു​ടെ ഫോ​ട്ടോ വേണമെന്നാണ്​ ഞങ്ങളുടെ അഭിപ്രായം. കോവിഡ്​ വാക്​സിന്‍റെ ക്രെഡിറ്റ്​ എടുക്കാൻ അവർക്ക്​ പറ്റുമെങ്കിൽ കോവിഡ്​ മരണങ്ങളുടെ ഉത്തരവാദിത്വവും ഏറ്റെടുക്കണം' -നവാബ്​ മാലിക്​ മാധ്യമങ്ങളോട്​ പറഞ്ഞു.

നവാബ്​ മാലിക്​

'രാജ്യത്ത് കോവിഡ്​ കേസുകളുടെ എണ്ണം വർധിക്കുന്നതിന്​ അനുസൃതമായി മരണ നിരക്കും വലിയ തോതിൽ ഉയർന്ന്​ ​െകാണ്ടിരിക്കുകയാണ്. മരിച്ചവരെ ദഹിപ്പിക്കാൻ സ്ഥലവും സൗകര്യവുമില്ലാതെ ആളുകൾ വരി നിന്ന്​ കഷ്​ടപ്പെടുന്ന വിഡിയോകൾ വൈറലാകുന്നു. നിലവിലെ സാഹചര്യത്തിന് കേന്ദ്രം ഉത്തരവാദിയാണ്. അതിന് ഉത്തരം നൽകാതെ ഒളിച്ചോടാനാകില്ല' -മാലിക്​ കൂട്ടിച്ചേർത്തു.

രാജ്യത്ത് പ്രതിദിന​ കോവിഡ്​ കേസുകളുടെ എണ്ണം 2.34 ലക്ഷം കടന്നതിന്​ പിന്നാലെയായിരുന്നു മന്ത്രിയുടെ പ്രതികരണം. 1341 പേരായിരുന്നു 24 മണിക്കൂറി​നിടെ രോഗം ബാധിച്ച്​ മരിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Nawab Malikcovid deathCovid vaccination certificate
News Summary - Maharashtra Minister says Like vaccine document, COVID death certificates should have Modi's photo too
Next Story