ലോക്​ഡൗൺ മഹാരാഷ്​​ട്രയിൽ 9000ത്തോളം പേരുടെ ജീവൻ രക്ഷിച്ചുവെന്ന്​ പഠനം

ന്യൂഡൽഹി: കോവിഡിനെ പ്രതിരോധിക്കാൻ മഹാരാഷ്​ട്ര സർക്കാർ ഏർപ്പെടുത്തിയ നിയന്ത്രണങ്ങൾ നിരവധി പേരുടെ ജീവൻ രക്ഷിക്കാൻ സഹായകരമായെന്ന്​ പഠനം. ബംഗളൂരുവിലെ ഇന്ത്യൻ ഇൻസ്​റ്റിറ്റ്യുട്ട്​ ഓഫ്​ സയൻസാണ്​ പഠനം നടത്തിയത്​. ലോക്​ഡൗൺ പോലുള്ള നിയന്ത്രണങ്ങൾ കൊണ്ട്​ ഒമ്പതിനായിരത്തോളം പേരുടെയെങ്കിലും ജീവൻ രക്ഷിക്കാൻ കഴിഞ്ഞുവെന്ന്​ ഇന്ത്യൻ ഇൻസ്​റ്റിറ്റ്യൂട്ട്​ ഓഫ്​ സയൻസിലെ ശാത്രജ്ഞൻ ഡോ.ശശികുമാർ ഗണേശൻ പറഞ്ഞു.

38 ലക്ഷത്തോളം പേരിൽ കോവിഡ്​ പടരുന്നത്​ തടയാനും നിയ​ന്ത്രണങ്ങൾ കൊണ്ട്​ സാധിച്ചുവെന്ന്​ അദ്ദേഹം പറഞ്ഞു. 41 ദിവസത്തിന്​ ശേഷം ഇതാദ്യമായി മഹാരാഷ്​ട്രയിൽ 40000ൽ താഴെ ആളുകൾക്ക്​ മാത്രമാണ്​ കോവിഡ്​ സ്ഥിരീകരിച്ചത്​. ഇതിന്​ പിന്നാലെയാണ്​ പുതിയ പഠനഫലവും പുറത്ത്​ വരുന്നത്​.

തിങ്കളാഴ്​ച മഹാരാഷ്​ട്രയിൽ 37,236 പേർക്കാണ്​ കോവിഡ്​ സ്ഥിരീകരിച്ചത്​. 549 പേർ രോഗം ബാധിച്ച്​ മരിക്കുകയും ചെയ്​തു. കോവിഡി​െൻറ രണ്ടാം തരംഗം തുടങ്ങിയപ്പോൾ തന്നെ മഹാരാഷ്​ട്രയിൽ റസ്​റ്ററൻറുകളിൽ ഇരുന്ന്​ ഭക്ഷണം കഴിക്കുന്നതിന്​ നിയന്ത്രണം ഏർപ്പെടുത്തിയിരുന്നു. മാളുകൾ അടക്കുകയും ചെയ്​തിരുന്നു. വൈകാതെ ഉദ്ധവ്​ താക്കറെ സർക്കാർ സംസ്ഥാനത്ത്​ ലോക്​ഡൗൺ പ്രഖ്യാപിച്ചു.