ശമ്പളം വെട്ടിക്കുറക്കാൻ തീരുമാനിച്ച്​ മഹാരാഷ്​ട്ര സർക്കാർ

മുംബൈ: കോവിഡ്​ പശ്​ചാത്തലത്തിൽ ജനപ്രതിനിധികളുടെയും സർക്കാർ ജീവനക്കാരുടെയും ശമ്പളം വെട്ടിക്കുറക്കുമെന്ന്​ മഹാരാഷ്​ട്ര. മുഖ്യമന്ത്രിയും ഉപമുഖ്യമന്ത്രിയും ഉൾപ്പെടെ എല്ലാ ജനപ്രതിനിധികളുടെയും ശമ്പളം 60 ശതമാനം കുറയും. 2020 മാർച്ചിലെ വേതനത്തിനാണ്​ ഇത്​ ബാധകമാവുക.

ഒന്നും രണ്ടും ക്ലാസ്സിലെ സർക്കാർ ജീവനക്കാരുടെ ശമ്പളത്തിൽനിന്ന്​ 50 ശതമാനം വെട്ടിക്കുറക്കും. മൂന്നാം ക്ലാസ് ജീവനക്കാരുടെ വേതനത്തിൽനിന്ന്​ 25 ശതമാനമാണ്​ കുറക്കുക. നാലാം ക്ലാസ് ജീവനക്കാർക്ക് മുഴുശമ്പളവും നൽകും. സർക്കാർ ജീവനക്കാരുടെ യൂനിയൻ പ്രതിനിധികളുമായി ചർച്ച നടത്തിയ ശേഷമാണ് തീരുമാനമെന്ന് ഉപമുഖ്യമന്ത്രിയും സംസ്ഥാന ധനമന്ത്രിയുമായ അജിത് പവാർ ചൊവ്വാഴ്ച പറഞ്ഞു.