Begin typing your search above and press return to search.
proflie-avatar
Login
exit_to_app
exit_to_app
കർഷക പ്രക്ഷോഭത്തിൽ അണിചേരാൻ നാസിക്കിൽനിന്ന്​ ഡൽഹിയിലേക്ക്​ വാഹനജാഥ
cancel
Homechevron_rightNewschevron_rightIndiachevron_rightകർഷക പ്രക്ഷോഭത്തിൽ...

കർഷക പ്രക്ഷോഭത്തിൽ അണിചേരാൻ നാസിക്കിൽനിന്ന്​ ഡൽഹിയിലേക്ക്​ വാഹനജാഥ

text_fields
bookmark_border

ന്യൂഡൽഹി: കേന്ദ്രസർക്കാറിന്‍റെ കാർഷിക നിയമങ്ങൾക്കെതിരെ പ്രതിഷേധിക്കുന്ന കർഷകർക്ക്​ ഐക്യദാർഡ്യവുമായി മഹാരാഷ്​ട്രയിലെ നാസിക്കിൽനിന്ന്​ ഡൽഹിയിലേക്ക്​ വാഹനറാലി. 5,000ത്തോളം കർഷകർ വാഹനജാഥയിൽ അണിനിരക്കും. തിങ്കളാഴ്ച ഉച്ചകഴിഞ്ഞ്​ മൂന്നുമണിക്ക്​ റാലി ആരംഭിക്കും.

ആൾ ഇന്ത്യ കിസാൻ സഭയുടെ നേതൃത്വത്തിൽ ഉച്ച 1.30ക്ക്​ നാസിക്കിൽ ചേരുന്ന പൊതുയോഗത്തിന്​ ശേഷമാണ്​ മാർച്ച്​ ആരംഭിക്കുക.

20 ജില്ലകളിൽനിന്നുള്ള കർഷകർ​ നാസിക്കിൽ ഒത്തുകൂടും. നാസിക്കിൽനിന്ന്​ 1266 കിലോമീറ്റർ സഞ്ചരിച്ച്​ ഡൽഹിയിലെ രാജസ്​ഥാൻ -ഹരിയാന ​അതിർത്തിയിൽ ഡിസംബർ 24നെത്തി കർഷക സമരത്തിൽ പങ്കുചേരും.

'നാസിക്കിൽ 1.20 ന്​ ചേരുന്ന വലിയ പൊതു ​േയാഗത്തിന്​ ശേഷം വാഹനജാഥ ആരംഭിക്കും. 5,000 കർഷകർ മാർച്ചിൽ പ​ങ്കെടുക്കും. നിരവധിപേർ മഹാരാഷ്​ട്ര വരെ സമരത്തിൽ പങ്കുചേരും. 2000ത്തോളം കർഷകർ ഡൽഹിയിലേക്ക്​ തിരിക്കുകയും കർഷക സമരത്തിൽ പങ്കുചേരുകയും ചെയ്യും' -എ.ഐ.കെ.എസ്​ നേതാവ്​ അശോക്​ ധവാലെ പറഞ്ഞു.

പുതിയ കാർഷിക നിയമങ്ങൾ പഞ്ചാബ്​, ഹരിയാന കർഷകരെ പ്രതികൂലമായി ബാധിക്കുമെന്ന്​ കേന്ദ്രസർക്കാറിനെ അറിയിക്കുകയാണ്​ വാഹനജാഥയുടെ ലക്ഷ്യമെന്നും കർഷക നേതാക്കൾ പറഞ്ഞു. നിലവിൽ പഞ്ചാബ്​, ഹരിയാന സംസ്​ഥാനങ്ങളിൽ നിന്നുള്ളവരാണ്​ പ്രതിഷേധിക്കുന്ന കർഷകരിൽ അധികം. കാർഷിക നിയമത്തിനെതിരെ മഹാരാഷ്​ട്രയിൽനിന്നു​ള്ള കർഷകരുടെ എതിർപ്പ്​ കൂടി അറിയിക്കുകയാണ്​ ലക്ഷ്യം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Maharashtra farmersdelhi Chalo MarchFarm Laws
News Summary - Maharashtra farmers to start their vehicle march to Delhi from Nashik today
Next Story