വീണ്ടും കർഷകരോഷം; കിസാൻ സഭയുടെ മാർച്ചിന് ഇന്ന്​​ തുടക്കം

നാസിക്​: കർഷകരുടെ പ്രശ്​നങ്ങൾ പരിഹരിക്കുകയെന്ന ആവശ്യമുയർത്തി അഖിലേന്ത്യ കിസാൻ സഭയുടെ നേതൃത്വത്തിൽ നടക്കുന ്ന രണ്ടാം കർഷക മാർച്ചിന്​ ഇന്ന്​ തുടക്കമാകും. മഹാരാഷ്​ട്രയിലെ നാസിക്കിൽ നിന്നും മുംബൈ വരെയാണ്​ ലോങ്​മാർച്ച് ​. കർഷക പ്രക്ഷോഭം ബുധനാഴ്​ച തുടങ്ങുമെന്ന്​ അറിയിച്ചിരുന്നുവെങ്കിലും ലോങ്​ മാർച്ചിനായി പുറപ്പെട്ട കർഷകരെ പൊലീസ്​ പലയിടത്തും തടഞ്ഞിരുന്നു. ഇതിനെ തുടർന്ന്​ ഇവർക്ക്​ എത്താൻ കഴിയാത്ത സാഹചര്യത്തിലാണ്​ ലോങ്​ മാർച്ച്​ വ്യാഴാഴ്​ചത്തേക്ക്​ മാറ്റിയത്​.

ഏകദേശം 7,500 പേർ നാസിക്കിലെത്തിയിട്ടുണ്ടെന്നാണ്​ പൊലീസ്​ കണക്കാക്കുന്നത്​. മഹാരാഷ്​ട്രയിലെ വിവിധ ജില്ലകളിലുടെ കടന്ന്​ പോയി ഫെബ്രുവരി 27ന്​ മുംബൈയിൽ അവസാനിക്കുന്ന രീതിയിലാണ്​ മാർച്ച്​ ക്രമീകരിച്ചിരിക്കുന്നത്​. നിയമസഭയിൽ ബജറ്റ്​ സമ്മേളനം നടക്കു​േമ്പാഴായിരിക്കും കർഷക പ്രക്ഷോഭം​ മുംബൈയിലെത്തുക.

കഴിഞ്ഞ വർഷവും അഖിലേന്ത്യ കിസാൻ സഭ കാർഷിക മാർച്ച്​ സംഘടിപ്പിച്ചിരുന്നു. അന്ന്​ കർഷകരുടെ ആവശ്യങ്ങൾ അനുഭാവപൂർവം പരിഗണിക്കാമെന്ന്​ മഹാരാഷ്​ട്ര സർക്കാർ ഉറപ്പ്​ നൽകിയിരുന്നു. ഇൗ ഉറപ്പ്​ പാലിക്കാത്തതിനെ തുടർന്നാണ്​ കർഷകർ വീണ്ടും പ്രതിഷേധവുമായി രംഗത്തെത്തിയത്​.