Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമഹാരാഷ്​ട്രയിൽ 1297...

മഹാരാഷ്​ട്രയിൽ 1297 കോവിഡ്​ ബാധിതർ; മരണനിരക്ക് ദേശീയ ശരാശരിയുടെ​ ഇരട്ടി

text_fields
bookmark_border
മഹാരാഷ്​ട്രയിൽ 1297 കോവിഡ്​ ബാധിതർ; മരണനിരക്ക് ദേശീയ ശരാശരിയുടെ​ ഇരട്ടി
cancel

ന്യൂഡൽഹി: ഇന്ത്യയിൽ ഏറ്റവും കൂടുതൽ ​കോവിഡ് ​19 കേസുകൾ സ്ഥിരീകരിക്കപ്പെട്ട മഹാരാഷ്​ട്രയിൽ വൈറസ്​ ബാധിതരുടെ എണ്ണം 1297 ആയി ഉയർന്നു. സംസ്ഥാനത്ത്​ ഇതുവരെ 72 പേരാണ്​ മരിച്ചത്​. ഒരാഴ്​ചക്കുള്ളിൽ മഹാരാഷ്​ട്രയിലെ മരണ നിരക്ക്​ ഇന ്ത്യയിലെ കോവിഡ്​ മരണ നിരക്കിനേക്കാൾ ഇരട്ടിയായി. രാജ്യത്ത് രോഗബാധിതരായ 5916 പേരിൽ 178 പേരാണ് മരിച്ചത്. മരണനിരക്ക് മൂന്ന് ശതമാനം. എന്നാൽ മഹാരാഷ്ട്രയിൽ 72 പേർ മരിച്ചതോടെ മരണനിരക്ക് 5.55 ആയി.

മുംബൈയിൽ മാത്രം 714 കോവിഡ്​ ബാധിതരാണുള്ളത്​. ഇവിടെ 45 പേർ മരിച്ചു. പൂനെയിൽ കഴിഞ്ഞ ദിവസം ആറുപേർ കൂടി മരിച്ചതോടെ മരണസംഖ്യ 14 ആയി ഉയർന്നു. മുംബൈയിലും പൂനെയിലും സ്ഥിതി രൂക്ഷമാണെന്നും കോവിഡ്​ സംശയം തോന്നുന്നവരെയെല്ലാം പരിശാധിക്കാൻ ഒരുങ്ങുകയാണ്​ സർക്കാറെന്ന്​ മുഖ്യമന്ത്രി ഉദ്ദവ്​ താക്കറെ അറിയിച്ചു.

മുംബൈയിലെ വർളി കോളിവാഡ-പ്രഭാദേവി, ബൈക്കുള എന്നീ മേഖലകളിൽ രോഗം പടരുകയാണ്. വർളിയിൽ നൂറിലേറെപ്പേർക്കാണു രോഗം സ്ഥിരീകരിച്ചത്. ബൈക്കുളയിൽ 80ലേറെപ്പേർക്കും. ഒരാഴ്​ചയായി ദിവസേന പത്തോളം പേർക്ക് ഈ മേഖലയിൽ പുതുതായി രോഗം റിപ്പോർട്ട് ചെയ്യപ്പെടുന്നുണ്ട്. രോഗവ്യാപനമുണ്ടായ മേഖലകളെല്ലാം പൊലീസ് അടച്ചിട്ടിരിക്കുകയാണ്. വളരെ അത്യാവശ്യമുളളവരെ മാത്രമാണ് അകത്തേക്കോ പുറത്തേക്കോ കടത്തിവിടുന്നത്.

ഏഷ്യയിലെ ഏറ്റവും വലിയ ചേരിയായ ധാരാവിയിൽ രണ്ടാമത്തെ കോവിഡ് മരണവും റിപ്പോർട്ട്​ ചെയ്​തതോടെ സംസ്ഥാന സർക്കാർ കൂടുതൽ പ്രതിസന്ധിയിലായി. ധാരാവിയിൽ 13 പേർക്കാണ്​ കോവിഡ്​ സ്ഥിരീകരിച്ചത്​. ചേരി മുഴുവൻ അടച്ചുപൂട്ടാനും സർക്കാർ ആലോചിക്കുന്നുണ്ട്​.

മഹാരാഷ്ട്രയിൽ കോവിഡ് പടരുമ്പോഴും രോഗം സമൂഹ വ്യാപന തലത്തിലേക്കു വ്യാപിച്ചിട്ടില്ലെന്നാണ്​ സംസ്ഥാന ആരോഗ്യമന്ത്രി രാജേഷ് തോപ്പെ പറയുന്നത്

Show Full Article
TAGS:COVID-19 maharashtra india news 
News Summary - Maharashtra Covid-19 cases reach 1,297 in a month -India news
Next Story