മഹാരാഷ്​ട്ര മുഖ്യമന്ത്രി ദേവേന്ദ്ര ഫട്​നാവിസ്​ രാജിവെച്ചു

മുംബൈ: മഹാരാഷ്​ട്ര മുഖ്യമന്ത്രി ദേവേന്ദ്ര ഫട്​നാവിസ്​ രാജിവെച്ചു. കാവൽ സർക്കാറിൻെറ കാലാവധി ഇന്ന്​ അവസാനിക്ക ാനിരിക്കെയാണ്​ രാജി. രാജിക്ക്​ ശേഷം പുതിയ സർക്കാറുണ്ടാക്കാൻ ഫട്​നാവിസ്​ അവകാശവാദം ഉന്നയിച്ചിട്ടില്ലെന്നത്​ ശ്രദ്ധേയമാണ്​.

ശിവസേനയുമായി സഖ്യമുണ്ടാക്കാനുള്ള ശ്രമങ്ങളെല്ലാം പരാജയപ്പെട്ടതിന്​ പിന്നാലെയാണ്​ ഫട്​നാവിസിൻെറ രാജി. ഫട്​നാവിസ്​ രാജിവെച്ചതോടെ മഹാരാഷ്​ട്രയിൽ രാഷ്​ട്രപതി ഭരണത്തിനാണ്​ കളമൊരുങ്ങുന്നത്​.

മുഖ്യമന്ത്രിപദം വേണമെന്ന ആവശ്യത്തിൽ ശിവസേന ഉറച്ച്​ നിന്നതോടെയാണ്​ സർക്കാർ രൂപീകരണമെന്ന ബി.ജെ.പിയുടെ സ്വപ്​നം പൊലിഞ്ഞത്​​. രണ്ടര വർഷം മുഖ്യമന്ത്രിപദം പങ്കുവെക്കാമെന്ന നിർദേശം ശിവസേന മുന്നോട്ട്​ വെച്ചെങ്കിലും ബി.ജെ.പി ഇതിന്​ വഴങ്ങിയില്ല.