Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപിന്നാക്ക വിഭാഗങ്ങളുടെ ...

പിന്നാക്ക വിഭാഗങ്ങളുടെ ജാതി തിരിച്ച സെൻസസ്​ ആവശ്യപ്പെട്ട് മഹാരാഷ്​ട്ര നിയമസഭ പ്രമേയം

text_fields
bookmark_border
പിന്നാക്ക വിഭാഗങ്ങളുടെ ജാതി തിരിച്ച സെൻസസ്​ ആവശ്യപ്പെട്ട് മഹാരാഷ്​ട്ര നിയമസഭ പ്രമേയം
cancel

മുംബൈ: പിന്നാക്ക വിഭാഗങ്ങളുടെ ജാതി തിരിച്ചുള്ള ജനസംഖ്യാ കണക്കെടുപ്പ്​ നടത്തണമെന്ന്​ കേന്ദ്രത്തോട്​ ആവശ്യ പ്പെടുന്ന പ്രമേയം മഹാരാഷ്​ട്ര നിയമസഭ ഐക്യക​​​ണ്​ഠേന പാസ്സാക്കി.
വികസനത്തിൻെറ ഗുണഫലങ്ങൾ ഒ.ബി.സി വിഭാഗങ്ങൾക ്ക്​ ഉറപ്പാക്കാനാണ്​ അവരുടെ ജാതി തിരിച്ചുള്ള ജനസംഖ്യ കണക്കെടുപ്പ്​ നടത്തണമെന്ന്​ ആവശ്യപ്പെടുന്നതെന്ന്​ പ്ര മേയത്തിൽ പറയുന്നു. സ്​പീക്കർ നാനാ പ​ട്ടോൽ സ്വമേധയാ അവതരിപ്പിച്ച പ്രമേയമാണ്​ ഒറ്റക്കെട്ടായി സഭ പാസാക്കിയത്​. പ്രമേയം ചർച്ച ചെയ്യുന്നതിനായി വിളിച്ചു ചേർത്ത ഏകദിന നിയമസഭ സമ്മേളനത്തിലാണ്​ പ്രമേയം അവതരിപ്പിച്ചത്​.

പ്രമേയത്തെ പ്രതിപക്ഷമായ ബി.ജെ.പിയും പിന്തുണച്ചു. സംവരണം ഏർപ്പെടുത്തി പതിറ്റാണ്ടുകൾ കഴിഞ്ഞിട്ടും അതിൻെറ ഗുണഫലങ്ങൾ ലഭ്യമാകാത്ത നിരവധി പട്ടിക ജാതി / പട്ടിക വർഗ വിഭാഗങ്ങൾ ഉണ്ടെന്നും പല പിന്നാക്ക വിഭാഗങ്ങൾക്കും പാർലമ​െൻറിലോ നിയമസഭകളിലോ പ്രതിനിധ്യമില്ലെന്നും പ്രതിപക്ഷ നേതാവ്​ ദേവേന്ദ്ര ഫഡ്​നാവിസ്​ അഭിപ്രായപ്പെട്ടു.

അടുത്ത മാസം ആദ്യ നടക്കുന്ന ബജറ്റ്​ സമ്മേളനത്തിനു മുമ്പായി ഈ വിഷയത്തിൽ കുടുതൽ ചർച്ച നടത്തുമെന്ന്​ ഉപമുഖ്യമന്ത്രി അജിത്​ പവാർ പറഞ്ഞു.

2021 ലാണ്​ അടുത്ത ജനസംഖ്യ കണക്കെടുപ്പ്​ നടക്കേണ്ടത്​. ഒ.ബി.സി വിഭാഗത്തിൻെറ ജാതി തിരിച്ചുള്ള കണക്ക്​ വേണമെന്ന ആവശ്യവുമായി നിരവധി നേതാക്കൾ തന്നെ വന്നു കണ്ടിരുന്നതായി സ്​പീക്കർ വ്യക്​തമാക്കി. ദീർഘകാലമായി ഉന്നയിക്കുന്ന ഈ ആവശ്യം എത്രയും വേഗം നടപ്പിലാക്കണമെന്ന്​ ഭക്ഷ്യ സിവിൽ സപ്ലൈസ്​ വകുപ്പ്​ മന്ത്രി ഛഗ്ഗൻ ഭുജ്​പാലും ആവശ്യപ്പെട്ടു.

മുന്നാക്ക വിഭാഗങ്ങൾക്ക്​ മുൻതൂക്കമുള്ള ബി.​െജ.പിക്ക്​ എതിരെ പിന്നാക്ക വിഭാഗങ്ങളെ അണിനിരത്താനുള്ള രാഷ്​ട്രീയ നീക്കത്തിൻെറ ഭാഗമായാണ്​ ഇങ്ങനെയൊരു ​പ്രമേയമെന്ന്​ രാഷ്​ട്രീയ നിരീക്ഷകർ വിലയിരുത്തുന്നു. പാർലമ​െൻറ്​ പാസാക്കിയ പൗരത്വ നിയമത്തെയും സഭ അംഗീകരിച്ചു.

Show Full Article
TAGS:Maharashtra Assembly caste-based Census obc reservation 
News Summary - Maharashtra Assembly passes resolution seeking caste based Census
Next Story